100 ಮಂಕೀಸ್‌ನಲ್ಲಿ ಪ್ರಮೋದ್‌

ಈ ಹಿಂದೆ “ಪ್ರೀಮಿಯರ್‌ ಪದ್ಮಿನಿ’, “ಮತ್ತೆ ಉದ್ಭವ’ ಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದ ನಟ ಪ್ರಮೋದ್‌, ಈಗ ಮತ್ತೂಂದು ಚಿತ್ರದಲ್ಲಿ ನಾಯಕನಾಗಿ ಪ್ರೇಕ್ಷಕರ ಮುಂದೆ ಬರುವ ತಯಾರಿಯಲ್ಲಿದ್ದಾರೆ. ಅಂದಹಾಗೆ, ಪ್ರಮೋದ್‌ ನಾಯಕನಾಗಿ ಕಾಣಿಸಿಕೊಳ್ಳುತ್ತಿ ರುವ ಹೊಸ ಚಿತ್ರದ ಹೆಸರು “100 ಮಂಕೀಸ್‌’. ಕ್ಯಾಬ್‌ ಡ್ರೈವರ್‌ ಒಬ್ಬನ ಸುತ್ತ ನಡೆಯುವ ಕಥಾಹಂದರದ ಈ ಚಿತ್ರದಲ್ಲಿ ಪ್ರಮೋದ್‌ ಕ್ಯಾಬ್‌ ಡ್ರೈವರ್‌ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಹೆಸರೇ ಹೇಳುವಂತೆ, “100 ಮಂಕೀಸ್‌’ ಇದೊಂದು ಔಟ್‌ ಆ್ಯಂಡ್‌ ಔಟ್‌ ಕಾಮಿಡಿ – ಥ್ರಿಲ್ಲರ್‌ ಸಬ್ಜೆಕ್ಟ್ ಚಿತ್ರವಾಗಿದ್ದು, ಇಡೀ ಚಿತ್ರದ ಕಥೆ ಬೆಂಗಳೂರಿನಲ್ಲಿ ನಡೆಯಲಿದೆಯಂತೆ. ಈಗಾ ಗಲೇ ಈ ಚಿತ್ರದ ಸ್ಕ್ರಿಪ್ಟ್ ಮತ್ತು ಪ್ರೀ-ಪ್ರೊಡಕ್ಷನ್‌ ಕೆಲಸಗಳು ಬಹುತೇಕ ಪೂರ್ಣ ಗೊಂಡಿದ್ದು, ಇದೇ ಸೆಪ್ಟೆಂಬರ್‌ನಿಂದ ಚಿತ್ರದ ಚಿತ್ರೀಕರಣ ಆರಂಭಿಸುವ ಯೋಚನೆ ಯಲ್ಲಿದೆ ಚಿತ್ರತಂಡ. ಇನ್ನು “100 ಮಂಕಿಸ್‌’ ಚಿತ್ರದಲ್ಲಿ ನಾಯಕ ಪ್ರಮೋದ್‌ಗೆ ನಾಯಕಿಯಾಗಿ ಸಂಗೀತಾ ಶೃಂಗೇರಿ ಜೋಡಿಯಾಗುತ್ತಿದ್ದಾರೆ. ಉಳಿದಂತೆ ಸಮೀಕ್ಷಾ, ಅಭಿಷೇಕ್‌ ರಾಯ್ಕರ್‌, ಅಚ್ಯುತ ಕುಮಾರ್‌, ಬಲ ರಾಜವಾಡಿ, ಅನೂಷಾ ರಾವ್‌, ರಜನಿಕಾಂತ್‌, ಮಹಂತೇಶ್‌ ಹೀರೇ ಮs…, ರಾಕ್‌ಲೈನ್‌ ಸುಧಾಕರ್‌ ಮತ್ತಿತರರು ಚಿತ್ರದ ಇತರ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸುತ್ತಿದ್ದಾರೆ. ಈ ಹಿಂದೆ “ಚಿತ್ರಕಥಾ’ ಚಿತ್ರವನ್ನು ನಿರ್ದೇಶಿಸಿದ್ದ ಯಶಸ್ವಿ ಬಾಲಾದಿತ್ಯ, ಈ ಚಿತ್ರಕ್ಕೆ ಕಥೆ ಬರೆದು ಆ್ಯಕ್ಷನ್‌-ಕಟ್‌ ಹೇಳುತ್ತಿದ್ದಾರೆ.

“100 ಮಂಕೀಸ್‌’ ಚಿತ್ರಕ್ಕೆ ಭೀಷ್ಮನ್‌ ಛಾಯಾಗ್ರಹಣ, ಚೇತನ್‌ ಕುಮಾರ್‌ ಸಂಗೀತ, ಮಧು ತುಂಬುಕೆರೆ ಸಂಕಲನ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಕೆಲ ಚಿತ್ರಗಳಲ್ಲಿ ನಟರಾಗಿ ಅಭಿನಯಿಸಿದ್ದ ನಿತ್ಯಾನಂದ ಭಟ್‌ “ಕಂಟೆಂಟ್‌ ಬ್ರಹ್ಮ ಎಂಟರ್‌ಟೈನ್ಮೆಂಟ್‌’ ಬ್ಯಾನರ್‌ನಲ್ಲಿ ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. “100 ಮಂಕೀಸ್‌’ ಚಿತ್ರದಲ್ಲಿ ಒಟ್ಟು ಮೂರು ಹಾಡು ಗಳಿದ್ದು, ಇತ್ತೀಚೆಗೆ ಚಿತ್ರತಂಡ ಭರ್ಜರಿಯಾಗಿ ಚಿತ್ರದ ಫೋಟೋ ಶೂಟ್‌ ನಡೆಸಿದ್ದು, ಗಣೇಶ ಚತುರ್ಥಿಯ ಬಳಿಕ ಚಿತ್ರದ ಫ‌ಸ್ಟ್‌ ಲುಕ್‌ ಬಿಡುಗಡೆ ಮಾಡಲು ಚಿತ್ರತಂಡ ಪ್ಲಾನ್‌ ಹಾಕಿಕೊಂಡಿದೆ.