Advertisement
ಲೈಂಗಿಕ ದೌರ್ಜನ್ಯ ಪ್ರಕರಣ ಮುನ್ನೆಲೆಗೆ ಬಂದ ಬೆನ್ನಲ್ಲೇ, ವೀಡಿಯೋದಲ್ಲಿರುವ ಸಂತ್ರಸ್ತೆಯರು ಎಸ್‌ಐಟಿ ಮುಂದೆ ಹಾಜರಾಗಲು ಹಿಂದೇಟು ಹಾಕುತ್ತಿದ್ದಾರೆ ಎನ್ನಲಾಗಿದೆ. ಪೆನ್‌ಡ್ರೈವ್‌ ಅನ್ನು ಕೂಲಂಕಷ ವಾಗಿ ಪರಿಶೀಲಿಸುತ್ತಿರುವ ಎಸ್‌ಐಟಿ ತಂಡವು, ವೀಡಿಯೋದಲ್ಲಿ ಸಿಲುಕಿದ್ದಾರೆ ಎನ್ನಲಾದ ಕೆಲವು ಮಹಿಳೆಯರನ್ನು ಗುರುತಿಸಿದ್ದಾರೆ ಎಂದು ತಿಳಿದು ಬಂದಿದೆ.
ಪೆನ್‌ ಡ್ರೈವ್‌ ಸಂತ್ರಸ್ತೆಯರ ವಿವರ ಕಲೆ ಹಾಕಿರುವ ಎಸ್‌ಐಟಿ ತನಿಖಾ ತಂಡದ ಮಹಿಳಾ ಸಿಬಂದಿಯು ಅವರನ್ನು ಸಂಪರ್ಕಿಸಿ ಹೇಳಿಕೆ ಪಡೆಯಲು ಪ್ರಯತ್ನಿಸಿದಾಗ, ಈ ಬಗ್ಗೆ ನಮಗೆ ಯಾವುದೇ ಮಾಹಿತಿ ಇಲ್ಲ. ನಮ್ಮನ್ನು ಕೇಳಬೇಡಿ. ನಾವು ದೂರು ಕೊಡಲಿಲ್ಲ. ನಮ್ಮ ಪಾಡಿಗೆ ನಮ್ಮನ್ನು ಬಿಟ್ಟು ಬಿಡಿ ಎಂದು ಹೇಳುತ್ತಿದ್ದಾರೆ. ಅವರನ್ನು ಎಸ್‌ಐಟಿ ಸಿಬಂದಿ ಸಮಾಧಾನಪಡಿಸಿ ಹೇಳಿಕೆ ದಾಖಲಿಸಿಕೊಳ್ಳುವ ಪ್ರಯತ್ನ ಮಾಡಿದ್ದರೂ ಸಫ‌ಲವಾಗಿಲ್ಲ ಎನ್ನಲಾಗಿದೆ.
Related Articles
Advertisement
ರಹಸ್ಯ ತನಿಖೆಮತ್ತೊಂದೆಡೆ ಸಂತ್ರಸ್ತೆಯರ ಮೊಬೈಲ್‌ ನಂಬರ್‌ ಪಡೆದು ಅವರಿಗೆ ನೋಟಿಸ್‌ ಕಳುಹಿಸಿ ಗೌಪ್ಯವಾಗಿ ವಿಚಾರಣೆ ನಡೆಸಲು ಎಸ್‌ಐಟಿ ಚಿಂತನೆ ನಡೆಸಿದೆ. ಸಂತ್ರಸ್ತೆಯರ ಕುಟುಂಬದವರಿಗೂ ತಿಳಿಯದಂತೆ ವಿಚಾರಣೆ ನಡೆಸುವ ಸಾಧ್ಯತೆಗಳಿವೆ. ಸಂತ್ರಸ್ತೆಯರ ವಿಚಾರ ಗೊತ್ತಾದರೆ ಕುಟುಂಬದಲ್ಲಿ ಬಿರುಕು, ಜಗಳ ಉಂಟಾಗುವ ಸಾಧ್ಯತೆಗಳಿರುವುದನ್ನು ಮನಗಂಡು ಎಸ್‌ಐಟಿ ಈ ಜಾಣ ನಡೆಯ ಮೂಲಕ ತನಿಖೆ ಮುಂದುವರಿಸಲು ಸಿದ್ಧತೆ ನಡೆಸುತ್ತಿದೆ ಎನ್ನಲಾಗಿದೆ. ವೀಡಿಯೋದ ಮೂಲ ಪತ್ತೆಯೇ ದೊಡ್ಡ ಸವಾಲು
ಎಸ್‌ಐಟಿ ತನಿಖಾಧಿಕಾರಿಗಳ ಒಂದು ತಂಡವು ಪೆನ್‌ಡ್ರೈವ್‌ನಲ್ಲಿರುವ ವೀಡಿಯೋದ ಮೂಲ ಪತ್ತೆಹಚ್ಚಲು ಮುಂದಾಗಿದೆ. ಮೂಲ ಪತ್ತೆಯಾಗದಿದ್ದರೆ ಎಸ್‌ಐಟಿ ತನಿಖೆ ವಿಳಂಬವಾಗಲಿದೆ. ಪತ್ತೆಯಾಗಿರುವ ಪೆನ್‌ಡ್ರೈವ್‌ಗಳಿಗೆ ವೀಡಿಯೋ ಕಾಪಿ ಆಗಿರುವುದು ಎಲ್ಲಿ ಎಂಬುದರ ಬಗ್ಗೆ ಮಾಹಿತಿ ಕಲೆ ಹಾಕಲಾಗುತ್ತಿದೆ. ವೀಡಿಯೋ ನಕಲಿಯೋ, ಅಸಲಿಯೋ ಎಂಬುದು ಎಫ್ಎಸ್‌ಎಲ್‌ ವರದಿಯಲ್ಲಿ ದೃಢಪಡಲಿದೆ. ವೀಡಿಯೋ ಅಸಲಿಯಾದರೆ ಅದರ ರೆಕಾರ್ಡಿಂಗ್‌ ಮೂಲ ಹುಡುಕಬೇಕಾಗುತ್ತದೆ. ಮತ್ತೂಂದೆಡೆ ಮಂಗಳವಾರ ಎಸ್‌ಐಟಿ ವಿಚಾರಣೆಗೆ ಹಾಜರಾಗಿದ್ದ ಪ್ರಜ್ವಲ್‌ ರೇವಣ್ಣನವರ ಮಾಜಿ ಕಾರು ಚಾಲಕ ಕಾರ್ತಿಕ್‌ನ ಮೊಬೈಲ್‌ ಅನ್ನು ಜಪ್ತಿ ಮಾಡಿ ಎಫ್ಎಸ್‌ಎಲ್‌ಗೆ ಕಳುಹಿಸಲಾಗಿದೆ. ಎಚ್‌ಡಿಕೆಗೆ ಗೊತ್ತಿತ್ತು
ಪೆನ್‌ಡ್ರೈವ್‌ ವಿಚಾರ ಎಲ್ಲರಿಗಿಂತ ಮುಂಚಿತವಾಗಿ ಗೊತ್ತಿದ್ದದ್ದು ಕುಮಾರಸ್ವಾಮಿ ಹಾಗೂ ಬಿಜೆಪಿ ನಾಯಕರಿಗೆ. ಅವರೀಗ ಡಿ.ಕೆ.ಶಿವಕುಮಾರ್‌ ಮತ್ತು ಕಾಂಗ್ರೆಸ್‌ ಮೇಲೆ ಆರೋಪ ಮಾಡಿ ನುಣುಚಿಕೊಳ್ಳುವ ಪ್ರಯತ್ನ ಮಾಡುತ್ತಿದ್ದಾರೆ.
-ಡಿ.ಕೆ.ಸುರೇಶ್‌, ಕಾಂಗ್ರೆಸ್‌ ನಾಯಕ