ಫಿಫಾ ಕೌನ್ಸಿಲ್‌ಗೆ ಪ್ರಫ‌ುಲ್‌ ಆಯ್ಕೆ: ಭಾರತದ ಮೊದಲಿಗ

ಪಣಜಿ: ಅಖೀಲ ಭಾರತ ಫ‌ುಟ್‌ಬಾಲ್‌ ಒಕ್ಕೂಟದ ಅಧ್ಯಕ್ಷ ಪ್ರಫ‌ುಲ್‌ ಪಟೇಲ್‌ “ಫಿಫಾ’ ಕೌನ್ಸಿಲ್‌ ಸದಸ್ಯರಾಗಿ ಆಯ್ಕೆಯಾಗಿದ್ದಾರೆ. ಈ ಮೂಲಕ ಈ ಪ್ರತಿಷ್ಠಿತ ಸಮಿತಿಗೆ ಕಾಲಿಟ್ಟ ಮೊದಲ ಭಾರತೀಯ ಎಂಬ ಹೆಗ್ಗಳಿಕೆ ಪಟೇಲ್‌ ಅವರದಾಗಿದೆ.

ಪ್ರಫ‌ುಲ್‌ ಪಟೇಲ್‌ 46 ಮತಗಳಲ್ಲಿ 38 ಮತಗಳನ್ನು ಗೆದ್ದು ಸದಸ್ಯರಾಗಿ ಆಯ್ಕೆಗೊಂಡರು. ಮಲೇಷ್ಯಾದಲ್ಲಿ ನಡೆದ 29ನೇ ಎಎಫ್ಸಿ ಕಾಂಗ್ರೆಸ್‌ನಲ್ಲಿ (ಏಷ್ಯನ್‌ ಫ‌ುಟ್‌ಬಾಲ್‌ ಕಾನೆ#ಡರೇಷನ್‌) ಆಯ್ಕೆಯಾದ 8 ಅಭ್ಯರ್ಥಿಗಳಲ್ಲಿ ಪ್ರಫ‌ುಲ್‌ ಪಟೇಲ್‌ ಕೂಡ ಒಬ್ಬರು. “ನಾನು ಬಹಳ ವಿನಮ್ರನಾಗಿದ್ದೇನೆ. ಈ ಸ್ಥಾನಕ್ಕೆ ನಾನು ಸೂಕ್ತ ಎಂದು ಅಂದುಕೊಂಡ ಎಎಫ್ಸಿಯ ಎಲ್ಲ ಸದಸ್ಯರಿಗೂ ಕೃತಜ್ಞತೆಗಳು. ಫಿಫಾ ಕೌನ್ಸಿಲ್‌ ಸದಸ್ಯನಾಗಿರುವುದು ದೊಡ್ಡ ಜವಾಬ್ದಾರಿ. ನಾನು ಕೇವಲ ನಮ್ಮ ದೇಶವನ್ನು ಪ್ರತಿನಿಧಿಸುತ್ತಿಲ್ಲ. ಬದಲಾಗಿ ಈ ಇಡೀ ಖಂಡವನ್ನೇ ಪ್ರತಿನಿಧಿಸುತ್ತಿದ್ದೇನೆ. ಏಷ್ಯಾದಲ್ಲಿ ಫ‌ುಟ್‌ಬಾಲ್‌ನ ತ್ವರಿತ ಬೆಳವಣಿಗೆಯ ವಿಶ್ವಾಸವಿರಿಸಿದ್ದಕ್ಕಾಗಿ ಎಲ್ಲರಿಗೂ ಧನ್ಯವಾದಗಳು’ ಎಂದು ಪಟೇಲ್‌ ಹೇಳಿದ್ದಾರೆ