ಚಿಕ್ಕಬಳ್ಳಾಪುರ: ಪೌರ ಕಾರ್ಮಿಕರಿಗೆ ಪಿಪಿಇ ಕಿಟ್ ವಿತರಣೆ

ಚಿಕ್ಕಬಳ್ಳಾಪುರ: ದಿನ ಬೆಳಗಾದರೆ ನಗರದ ಸ್ವಚ್ಚತೆ ಕಾಪಾಡುವ ಪೌರ ಕಾರ್ಮಿಕರಿಗೆ ಸ್ಥಳೀಯ ನಗರಸಭೆ ಕೋವಿಡ್-19 ಸೋಂಕು ಹರಡದಂತೆ ಮುನ್ನೆಚ್ಚರಿಕೆ ವಹಿಸಿ ಪಿಪಿಇ ಸಮವಸ್ತ್ರವನ್ನು ವಿತರಿಸಿದೆ.

ಜಿಲ್ಲಾ ಕೇಂದ್ರದ ನಗರಸಭೆಯ ಪೌರ ಕಾರ್ಮಿಕರಿಗೆ ಮಂಗಳವಾರ ಬೆಳ್ಳಂಬೆಳಗ್ಗೆ ಸೋಂಕು ತಗುಲುದಂತೆ  ನಗರಸಭೆ ವತಿಯಿಂದ ಅವರ  ಆರೋಗ್ಯವನ್ನು ಕಾಪಾಡುವ ದೃಷ್ಟಿಯಿಂದ  ವಿನೂತನ ರೀತಿಯ ಪಿಪಿಇ ಸಮವಸ್ತ್ರ ಗಳನ್ನು ನೀಡಲಾಯಿತು ಹಾಗೂ ಕೋವಿಡ್-19 ಮುಂಜಾಗೃತೆ ಯಾವ ರೀತಿ ಕೆಲಸ ನಿರ್ವಹಣೆ ಮಾಡಬೇಕೆಂದು ಸಂಪೂರ್ಣವಾದ ಅರಿವನ್ನು ನಗರಸಭೆ ಆಯುಕ್ತ ಲೋಹಿತ್ ಕುಮಾರ್ ಹಾಗೂ ಆರೋಗ್ಯ ಶಾಖೆಯ ಸಿಬ್ಬಂದಿ ಮೂಡಿಸಿದರು

ಈಗಾಗಲೇ ಜಿಲ್ಲೆಯ‌ ಗೌರಿಬಿದನೂರು ತಾಲೂಕಿನಲ್ಲಿ 9 ಕೊರೊನಾ ಸೋಂಕಿತ ಪ್ರಕರಣಗಳು ಪತ್ರೆಯಾಗಿವೆ.