ಮಾಸ್‌ ಮನಗೆದ್ದ ಪೊಗರು ಸಾಂಗ್‌

ಎಲ್ಲವೂ ಅಂದುಕೊಂಡಂತೆ ಆಗಿದ್ದರೆ ಧ್ರುವ ಸರ್ಜಾ ಅಭಿನಯದ ಪೊಗರು ಚಿತ್ರದ ಖರಾಬು ಸಾಂಗ್‌ ಮಾರ್ಚ್ 27ಕ್ಕೆ ಬಿಡುಗಡೆಯಾಗಬೇಕಿತ್ತು. ಚಿತ್ರತಂಡ ಕೂಡಾ ಇದನ್ನು ಘೋಷಿಸಿತ್ತು. ಆದರೆ ಚಿತ್ರತಂಡ ಈಗ ತಮ್ಮ ನಿರ್ಧಾರ ಬದಲಿಸಿದೆ. ಕೋವಿಡ್ 19 ಮಧ್ಯೆ ಕರಾಬು ಸಾಂಗ್‌ ಬಿಡುಗಡೆ ಮಾಡದಿರಲು ತೀರ್ಮಾನಿಸಿದೆ. ಈ ಬಗ್ಗೆ ಹೇಳಿಕೊಂಡಿರುವ ಚಿತ್ರತಂಡ, ಕೋವಿಡ್ 19 ದಿಂದಾಗಿರೋ ಅವಾಂತರಗಳನ್ನು ಸೂಕ್ಷ್ಮವಾಗಿ ಗಮನಿಸುತ್ತಲೇ ಬಂದಿದ್ದೀವಿ. ನಾಡಿನ ಯಾರೊಬ್ಬರ ಮನೆಯಲ್ಲೂ ಸಂಭ್ರಮವಿಲ್ಲ. ಇಂತಹ ವಾತಾವರಣದಲ್ಲಿ ನಮ್ಮ ಪೊಗರು ಸಿನಿಮಾದ ಸಂಭ್ರಮ ಹೇರುವುದು ಬೇಡವೆಂದು ನಿರ್ಧರಿಸಿದೆ. ಅತಿ ಶೀಘ್ರದಲ್ಲಿಯೇ ಖರಾಬು ಹಾಡು ಬಿಡುಗಡೆ  ಯಾಗಲಿದೆ. ಅಲ್ಲಿವರೆಗೆ ಅಭಿಮಾನಿಗಳ ಆರೋಗ್ಯವೇ ಮಹಾಭಾಗ್ಯ .. ಮನೆಯಲ್ಲೇ ಇರಿ.. ಎಂದಿತ್ತು. ಈಗ ಚಿತ್ರದಖರಾಬು ಹಾಡು ಬಿಡುಗಡೆಯಾಗಿದೆ.

ರಾಮನವಮಿ ದಿನ ಸಂಜೆ ಚಿತ್ರದ ಹಾಡನ್ನು ಚಿತ್ರತಂಡ ಬಿಡುಗಡೆ ಮಾಡಿದೆ. ಪಕ್ಕಾ ಮಾಸ್‌ ಆಗಿರುವ ಈ ಹಾಡನ್ನು ಆಭಿಮಾನಿಗಳು ಮೆಚ್ಚಿದ್ದಾರೆ. ಅದರಲ್ಲೂ ಮಾಸ್‌ ಪ್ರಿಯರಿಗೆ ಈ ಹಾಡು ಸ್ವಲ್ಪ ಹೆಚ್ಚೇ ಇಷ್ಟವಾಗಿದೆ. ನಂದಕಿಶೋರ್‌ ನಿರ್ದೇಶನದ ಪೊಗರು ಚಿತ್ರದಲ್ಲಿ ರಶ್ಮಿಕಾ ಮಂದಣ್ಣ ನಾಯಕಿ. ಈಗಾಗಲೇ ಬಿಡುಗಡೆ ಯಾಗಿರುವ ಚಿತ್ರದ ಡೈಲಾಗ್‌ ಟೀಸರ್‌ ದೊಡ್ಡ ಮಟ್ಟದಲ್ಲಿ ಹಿಟ್‌ ಆಗಿದೆ. ಧ್ರುವ ನಟನೆಯ ಭರ್ಜರಿ ಚಿತ್ರ 2017ರಲ್ಲಿ ಬಿಡುಗಡೆಯಾಗಿದ್ದು, ಆ ನಂತರ ಅವರ ಯಾವ ಸಿನಿಮಾವೂ ಬಿಡುಗಡೆಯಾಗಿಲ್ಲ. ಈಗ ಪೊಗರು ಬಿಡುಗಡೆಯ ಹಂತಕ್ಕೆ ಬಂದಿದ್ದು, ಚಿತ್ರದ ಮೇಲೆ ನಿರೀಕ್ಷೆ ಹೆಚ್ಚಿದೆ.­