ಬಿಹಾರದಲ್ಲಿ ಮಾವು ರಾಜಕೀಯ

ಪಾಟ್ನಾ: ಬಿಹಾರದಲ್ಲಿ ವಿಧಾನಪರಿಷತ್‌ ಮತ್ತು ವಿಧಾನಸಭೆಯ ಸದಸ್ಯರಿಗೆ ಮಾವಿನ ಸಸಿಗಳನ್ನು ನೀಡಿದ್ದು ವಿವಾದಕ್ಕೆ ಕಾರಣವಾಗಿದೆ. ಮಿದುಳು ರೋಗ ನಿಯಂತ್ರಿಸಿ ಮಕ್ಕಳನ್ನು ಕಾಪಾಡುವ ಬದಲು ಸರ್ಕಾರ ಗಮನ ಬೇರೆಡೆಗೆ ಸೆಳೆವ ಪ್ರಯತ್ನ ಮಾಡಲಾಗುತ್ತಿದೆ ಎಂದು ಪ್ರತಿಪಕ್ಷಗಳ ಸದಸ್ಯರು ಟೀಕಿಸಿದ್ದಾರೆ. ಮಿದುಳು ರೋಗ ನಿಯಂತ್ರಣದಿಂದ ಮಕ್ಕಳು ಸಾವನ್ನಪ್ಪಿದ ಕುರಿತ ಚರ್ಚೆ ನಡೆಸುವುದರ ಬದಲಿಗೆ ಮಾವಿನ ಸಸಿಗಳನ್ನು ನೀಡಿ ಸರ್ಕಾರ ಜವಾಬ್ದಾರಿಯಿಂದ ಜಾರಿಕೊಳ್ಳುತ್ತಿದೆ ಎಂದಿವೆ. ಆರ್‌ಜೆಡಿ ಸದಸ್ಯರು ಮಾವಿನ ಸಸಿಗಳನ್ನು ತೆಗೆದುಕೊಳ್ಳಲು ನಿರಾಕರಿಸಿದರು. ಈ ಬಗ್ಗೆ ಮಾತನಾಡಿದ ಕೃಷಿ ಸಚಿವ ಪ್ರೇಮ್‌ ಕುಮಾರ್‌, ಬಿಹಾರದ ತಳಿ ದಿಘಾ ಮಲ್ಡಾ ತಳಿಯು ಅತ್ಯಂತ ವಿಶಿಷ್ಟವಾಗಿದೆ. ಈ ತಳಿಯ ಬೆಳೆ ಹಾಗೂ ಬಳಕೆ ಹೆಚ್ಚಳಕ್ಕಾಗಿ ಸಸಿಗಳನ್ನು ವಿತರಿಸಿದ್ದೇವೆ ಎಂದರು