CBI ಅಧಿಕಾರಿ ಎಂದು ವಂಚನೆಗಿಳಿದಿದ್ದವನ ಬಂಧಿಸಿದ ಪೊಲೀಸರು

ಶ್ರೀನಗರ: ಸಿಬಿಐ ಅಧಿಕಾರಿ ಎಂದು ವಂಚನೆಗಿಳಿದಿದ್ದ ಆರೋಪಿಯೊಬ್ಬನನ್ನು ಕುಂಜರ್ ಬಾರಾಮುಲ್ಲಾ ಪೊಲೀಸರು ಬಂಧಿಸಿದ್ದಾರೆ.

ಸಿಬಿಐ ಅಧಿಕಾರಿಯಂತೆ ನಟಿಸುತ್ತಿದ್ದ ಆರೋಪಿ ಜಾವೀದ್ ಅಹ್ಮದ್ ರಾಥರ್ ನನ್ನ ಬಂಧಿಸಿ ತೀವ್ರ ವಿಚಾರಣೆ ನಡೆಸುತ್ತಿದ್ದಾರೆ. ಆತನ ಬಳಿಯಿದ್ದ ಗೃಹೋಪಯೋಗಿ ವಸ್ತುಗಳು ಮತ್ತು ನಕಲಿ ಗುರುತಿನ ಚೀಟಿಗಳನ್ನು ವಶಪಡಿಸಿಕೊಂಡಿದ್ದಾರೆ.

ತನ್ನನ್ನು ತಾನು ಸಿಬಿಐ ಅಧಿಕಾರಿ ಎಂದು ನಕಲಿ ಸಿಬಿಐ ಗುರುತಿನ ಚೀಟಿಯನ್ನು ತೋರಿಸಿ ವ್ಯಕ್ತಿಯೊಬ್ಬರ ಮಗನಿಗೆ ರಾಷ್ಟ್ರೀಯ ರಕ್ಷಣ ಅಕಾಡೆಮಿ(NDA) ನಲ್ಲಿ ಉದ್ಯೋಗವನ್ನು ಖಾತರಿಪಡಿಸುವ ಭರವಸೆ ನೀಡಿದ್ದ. ವಂಚನೆಗೊಳಗಾದವರು ದೂರು ನೀಡಿದ್ದು , ಪ್ರಕರಣ ದಾಖಲಿಸಿಕೊಂಡು ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ.