ಪ್ರತ್ಯೇಕತಾಗಳ ಧರಣಿ ವಿಫ‌ಲ;ಮೀರ್‌ ವೇಜ್‌, ಮಲಿಕ್‌ ಸೆರೆ

ಶ್ರೀನಗರ : ಜಮ್ಮು ಕಾಶ್ಮೀರ ಪೊಲೀಸರಿಂದು ಪ್ರತ್ಯೇಕವಾದಿ ನಾಯಕರಾದ ಮೀರ್‌ ವೇಜ್‌ ಉಮರ್‌ ಫಾರೂಕ್‌ ಮತ್ತು ಮೊಹಮ್ಮದ್‌ ಯಾಸಿನ್‌ ಮಲಿಕ್‌ ಅವರನ್ನು ಬಂಧಿಸಿದರು. 

ಈ ಪ್ರತ್ಯೇಕತಾವಾದಿ ನಾಯಕರು ಪ್ರತಿಭಟನ ಮೆರವಣಿಗೆಯನ್ನು ನಡೆಸಿ ಬಳಿಕ ನಗರ ಕೇಂದ್ರ ಪ್ರದೇಶದಲ್ಲಿ ಧರಣಿ ಕೂರಲು ಯತ್ನಿಸಿದ್ದರು. ಪೊಲೀಸರು ಇವರ ಧರಣಿಯನ್ನು ವಿಫ‌ಲಗೊಳಿಸಿದರು.

ಬಂಧನದಲ್ಲಿರುವ ಕಾಶ್ಮೀರೀ ತರುಣರಿಗೆ ಮೂರನೇ ದರ್ಜೆಯಲ್ಲಿ ನಡೆಸಿಕೊಳ್ಳಲಾಗುತ್ತಿದೆ; ಅನೇಕರು ಇನ್ನೂ ಯಾವುದೇ ವಿಚಾರಣೆ ಇಲ್ಲದೆ ಜೈಲಿನಲ್ಲಿ ಕೊಳೆಯುತ್ತಿದ್ದಾರೆ; ಇವರ ವಿಮೋಚನೆಯನ್ನು ಪ್ರತ್ಯೇಕತಾವಾದಿ ನಾಯಕರು ಆಗ್ರಹಿಸಿ ಧರಣಿ ಹೂಡುವವರಿದ್ದರು.

ಪ್ರತ್ಯೇಕತಾವಾದಿ ನಾಯಕರೊಂದಿಗೆ ಅಬಿ ಗುಜಾರ್‌ ಸಹಿತ ಹಲವು ಬೆಂಬಲಿಗರನ್ನು ಜೆಕೆಎಲ್‌ಎಫ್ ಪ್ರಧಾನ ಕಾರ್ಯಾಲಯದ ಮುಂದೆ ಬಂಧಿಸಿದರು.