ಈಕ್ವೆಡಾರ್‌ ನಲ್ಲಿ ಕೋವಿಡ್ ವೈರಸ್ ಪ್ರತಾಪ: 800 ಶವ ಪತ್ತೆ

ಈಕ್ವಡಾರ್‌ನಲ್ಲಿ ಕೋವಿಡ್ ವೈರಸ್ ನಿಂದ ಸಾವಿನ ಸಂಖ್ಯೆ ಹೆಚ್ಚಾಗಿದೆ. ಗ್ವಯಾಕಿಲ್‌ನಲ್ಲಿ ಪೊಲೀಸರೇ ನಡೆಸಿದ ಶೋಧನೆಯಲ್ಲಿ 800 ಮಂದಿಯ ಶವ ಪತ್ತೆ ಹಚ್ಚಿದ್ದಾರೆ. ರಸ್ತೆಯಲ್ಲಿಯೇ ಹಲವಾರು ಮಂದಿಯ ಶವಗಳು ವಿಲೇವಾರಿಗೆ ಬಾಕಿ ಇದೆ.

ಪೆಸಿಫಿಕ್‌ ಪೋರ್ಟ್‌ ಸಿಟಿಯ ಶವಾಗಾರದಲ್ಲಿ ಇರುವ ಸಿಬ್ಬಂದಿ ಕ್ಷಿಪ್ರವಾಗಿ ಅಂತ್ಯಸಂಸ್ಕಾರ ಮಾಡಲು ಕೂಡ ಹೆಣಗಾಡುತ್ತಿದ್ದಾರೆ.  ಮೂರು ವಾರಗಳಲ್ಲಿ ಆಸ್ಪತ್ರೆಯಿಂದ 631, ಮನೆಗಳಿಂದ 771 ಕ್ಕೂ ಅಧಿಕ ಶವಗಳ ವಿಲೇವಾರಿ ಮಾಡಲಾಗಿದೆ.

ಇಲ್ಲಿನ ಬಂದರು ನಗರಿಯಲ್ಲಿ ಎಲ್ಲೆಂದರಲ್ಲಿ ಹೆಣಗಳು ಬೀಳುತ್ತಿರುವ ವಿಡಿಯೋಗಳನ್ನು ಸ್ಥಳೀಯರು ಸಾಮಾಜಿಕ ಜಾಲತಾಣಗಳಲ್ಲಿ ಹಾಕುತ್ತಿದ್ದಾರೆ. ಶವಸಂಸ್ಕಾರ ಸಿಬ್ಬಂದಿಗಳಿಗೆ ಸಕಾಲದಲ್ಲಿ ಈ ಜಾಗಗಳಿಗೆ ತೆರಳಿ ಶವಗಳ ವಿಲೇವಾರಿ ಮಾಡಲು ಸಾಧ್ಯವಾಗುತ್ತಿಲ್ಲ ಎಂದು ಇಲ್ಲಿನ ಮಾಧ್ಯಮಗಳು ವರದಿ ಮಾಡಿವೆ.