POCSO: ಪೋಕ್ಸೋ ಕೇಸು- ಸರಕಾರಿ ಸೇವೆಯಿಂದ ವಜಾ

ಕುಂಬಳೆ: ವಿವಿಧ ಶಾಲೆಗಳಲ್ಲಿ ವಿದ್ಯಾರ್ಥಿನಿಯರಿಗೆ ಲೈಂಗಿಕ ಕಿರುಕುಳ ನೀಡಿ ಪೋಕ್ಸೋ ಪ್ರಕರಣದಲ್ಲಿ ಜೈಲು ಶಿಕ್ಷೆ ಅನುಭವಿಸುತ್ತಿರುವ ಆರೋಪಿಯನ್ನು ಸರಕಾರಿ ಸೇವೆಯಿಂದ ವಜಾಗೊಳಿಸಲಾಗಿದೆ.

ಮಾಯಿಪ್ಪಾಡಿ ಡಯಟ್‌ ಉದ್ಯೋಗಿ ಕೆ. ಚಂದ್ರಶೇಖರನ್‌ ಈ ಹಿಂದೆ ಹಲವು ವಿದ್ಯಾಲಯಗಳಲ್ಲಿ ತಾತ್ಕಾಲಿಕ ಹುದ್ದೆಯಲ್ಲಿದ್ದಾಗ ಬಾಲಕಿಯರಿಗೆ ಲೈಂಗಿಕ ಕಿರುಕುಳ ನೀಡಿದ ಆರು ಪ್ರಕರಣಗಳಲ್ಲಿನ ಒಂದು ಆರೋಪದಲ್ಲಿ 93 ವರ್ಷ ಮತ್ತು ಇತರ ಮೂರು ಪ್ರಕರಣದಲ್ಲಿ ತಲಾ 33 ವರ್ಷ ಮತ್ತೆರಡು ಪ್ರಕರಣಗಳಲ್ಲಿ 38 ಮತ್ತು 14 ವರ್ಷ ಕಠಿನ ಸಜೆ ಮತ್ತು ದಂಡವನ್ನು ನ್ಯಾಯಾಲಯ ವಿಧಿಸಿದೆ. ಶಿಕ್ಷಣ ಉಪನಿರ್ದೇಶಕ ಕಚೇರಿಯ ಅಧಿಕಾರಿಯವರು ಚಂದ್ರಶೇಖರನ್‌ನನ್ನು ಸರಕಾರಿ ಸೇವೆಯಿಂದ ವಜಾಗೊಳಿಸಿ ಆದೇಶ ಹೊರಡಿಸಿದ್ದಾರೆ.