Advertisement
ಹಿಂದಿಯಲ್ಲಿ ಎಂಟು ಪ್ಯಾರಾಗಳಲ್ಲಿ ಬರೆದಿರುವ ಆ ಕವಿತೆಯನ್ನು ತಮ್ಮ ಟ್ವಿಟರ್‌ ಖಾತೆಯಲ್ಲಿ ಪ್ರಕಟಿಸಿರುವ ಅವರು, “”ಶನಿವಾರದಂದು, ಆ ವಿಶಾಲ ಸಾಗರ ತೀರದಲ್ಲಿ ಅಡ್ಡಾಡುತ್ತಾ, ಪ್ಲಾಸ್ಟಿಕ್‌ ತ್ಯಾಜ್ಯ ಹೆಕ್ಕುತ್ತಿದ್ದಾಗ ಮಾನಸಿಕವಾಗಿ ನಾನು ನನ್ನ ಮುಂದಿದ್ದ ಮಹಾ ಸಾಗರದೊಂದಿಗೆ ಭಾವನಾತ್ಮಕ ವಾಗಿ ಲೀನವಾಗಿದ್ದೆ. ಆ ಭಾವುಕತೆಯ ಸಮ್ಮಿಲನವೇ ನನ್ನಲ್ಲಿ ಕವಿತೆಯೊಂದಕ್ಕೆ ಪ್ರೇರಣೆ ನೀಡಿತು” ಎಂದಿದ್ದಾರೆ.
ಶನಿವಾರ ಮುಂಜಾನೆ, ಮಹಾಬಲಿಪುರಂನ ಸಮುದ್ರ ತೀರದಲ್ಲಿ ವಾಯು ವಿಹಾರಕ್ಕೆ ತೆರಳಿದ್ದಾಗ ಮೋದಿಯವರು, ಡಂಬಲ್ಸ್‌ (ಕೈಗಳ ವ್ಯಾಯಾಮಕ್ಕೆ ಬಳಸಲು ಪರಿಕರ)ಮಾದರಿ ಸಾಮಗ್ರಿಯನ್ನು ಕೈಯಲ್ಲಿ ಹಿಡಿದು ಎರಡೂ ಹಸ್ತಗಳ ಮಧ್ಯೆ ಅದನ್ನಿಟ್ಟುಕೊಂಡು ಹಸ್ತಗಳನ್ನು ಉಜ್ಜಿಕೊಂಡಿದ್ದರು. ಇದು ಹಲವರ ಕುತೂಹಲಕ್ಕೆ ಕಾರಣವಾಗಿ, ಹಲವಾರು ಮಂದಿ ಸಾಮಾಜಿಕ ಜಾಲತಾಣಗಳಲ್ಲಿ “ಆ ಪರಿಕರ ಯಾವುದು’ ಎಂದು ಕೇಳಿದ್ದರು. ರವಿವಾರ, ನೆಟ್ಟಿಗರ ಕುತೂಹಲವನ್ನು ತಣಿಸಿರುವ ಮೋದಿ, ಆ ಸಾಮಗ್ರಿಯ ಬಗ್ಗೆ ವಿವರಣೆ ನೀಡಿದ್ದಾರೆ. ಅದೊಂದು ಆಕ್ಯುಪ್ರಶರ್‌ ರೋಲರ್‌. ಅದನ್ನು ಆಗಾಗ ನಾನು ಉಪಯೋಗಿಸುತ್ತಿರುತ್ತೇನೆ ಎಂದಿದ್ದಾರೆ.