Advertisement
ಹೊಸದಿಲ್ಲಿಯಲ್ಲಿ ಗುರುವಾರ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಿ ಮಾತನಾಡಿದ ಅವರು, ಏಪ್ರಿಲ್‌ನಲ್ಲಿ ನಾವು ದಿನಕ್ಕೆ 6 ಸಾವಿರ ಪರೀಕ್ಷೆಗಳನ್ನಷ್ಟೇ ಮಾಡುತ್ತಿದ್ದೆವು.
Related Articles
Advertisement
ಬುಧವಾರ ಬೆಳಗ್ಗೆ 8ರಿಂದ ಗುರುವಾರ ಬೆಳಗ್ಗೆ 8ರವರೆಗಿನ 24 ಗಂಟೆಗಳ ಅವಧಿಯಲ್ಲಿ 52,123 ಹೊಸ ಪ್ರಕರಣಗಳು ಪತ್ತೆಯಾಗಿ, 775 ಮಂದಿ ಸಾವಿಗೀಡಾಗಿದ್ದಾರೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ತಿಳಿಸಿದೆ. ಪ್ರಸ್ತುತ ದೇಶದಲ್ಲಿ 5.28 ಲಕ್ಷಕ್ಕೂ ಅಧಿಕ ಸಕ್ರಿಯ ಪ್ರಕರಣಗಳಿದ್ದರೆ, ಗುಣಮುಖ ರಾದವರ ಸಂಖ್ಯೆ 10 ಲಕ್ಷ ದಾಟಿ, ಗುಣಮುಖ ಪ್ರಮಾಣ ಶೇ.64.44ಕ್ಕೇರಿದೆ ಎಂದೂ ಸಚಿವಾಲಯ ತಿಳಿಸಿದೆ.
ಲಸಿಕೆ ಬಂದರಷ್ಟೇ ಸೋಂಕು ನಿರ್ಮೂಲನೆ ಸಾಧ್ಯಭಾರತದಂಥ ದೊಡ್ಡ ಹಾಗೂ ಜನಸಂಖ್ಯೆ ಅಧಿಕವಿರುವ ದೇಶದಲ್ಲಿ ಸಾಮೂಹಿಕ ರೋಗನಿರೋಧಕ ಶಕ್ತಿಯನ್ನು ಪರಿಗಣಿಸಿಕೊಂಡು ಕೋವಿಡ್ 19 ಸೋಂಕನ್ನು ಎದುರಿಸಲು ಸಾಧ್ಯವಿಲ್ಲ. ಈ ಸೋಂಕನ್ನು ನಿರ್ಮೂಲನೆ ಮಾಡಬೇಕೆಂದರೆ ನಾವು ಲಸಿಕೆಯ ಮೊರೆ ಹೋಗಲೇಬೇಕಾಗುತ್ತದೆ ಎಂದು ಆರೋಗ್ಯ ಸಚಿವಾಲಯ ಹೇಳಿದೆ. ಸಮೂಹ ರೋಗನಿರೋಧಕ ಶಕ್ತಿ ಎನ್ನುವುದು ರೋಗದಿಂದ ಪರೋಕ್ಷ ಸುರಕ್ಷೆ ಒದಗಿಸುವಂಥದ್ದು. ಇದು ಜನರನ್ನು ರೋಗದಿಂದ ರಕ್ಷಿಸುತ್ತದೆ ನಿಜ. ಆದರೆ, ಯಾವಾಗ ಲಸಿಕೆ ಅಭಿವೃದ್ಧಿಯಾಗುತ್ತದೋ ಅಥವಾ ಯಾವಾಗ ಜನರು ರೋಗ ಬಂದು ಸಂಪೂರ್ಣ ಗುಣಮುಖರಾಗುತ್ತಾರೋ ಆಗ ಮಾತ್ರ ಈ ಶಕ್ತಿ ಸೃಷ್ಟಿಯಾಗುತ್ತದೆ. ಭಾರತದಲ್ಲಿ ಇಂಥ ಸಮೂಹ ರೋಗನಿರೋಧಕ ಶಕ್ತಿಯನ್ನು ಅವಲಂಬಿಸಲು ಆಗುವುದಿಲ್ಲ. ಲಸಿಕೆ ಬಂದ ನಂತರವಷ್ಟೇ ರೋಗ ನಿರ್ಮೂಲನೆ ಸಾಧ್ಯ ಎಂದಿದ್ದಾರೆ ಸಚಿವಾಲಯದ ಅಧಿಕಾರಿಗಳು. ಇತ್ತೀಚೆಗೆ ದಿಲ್ಲಿಯಲ್ಲಿ ಶೇ.23ಕ್ಕೂ ಹೆಚ್ಚು ಮಂದಿಯ ಹಾಗೂ ಮುಂಬೈನ ಶೇ.57ರಷ್ಟು ಮಂದಿಯ ದೇಹದಲ್ಲಿ ಪ್ರತಿಕಾಯ ಸೃಷ್ಟಿಯಾಗಿದೆ ಎಂದು ಸಮೀಕ್ಷೆಯೊಂದು ತಿಳಿಸಿತ್ತು. ಈ ಹಿನ್ನೆಲೆಯಲ್ಲಿ ದೇಶದ ಜನರಲ್ಲಿ ಸಾಮೂಹಿಕ ರೋಗ ನಿರೋಧಕ ಶಕ್ತಿ ಸೃಷ್ಟಿಯಾಗಿದೆಯೇ ಎಂಬ ಚರ್ಚೆಗಳು ಶುರುವಾಗಿದ್ದವು.