Hasana: ಪೈನ್‌ಡ್ರೈವ್‌ ಹಂಚಿಕೆ; ಚೇತನ್‌, ಲಿಖಿತ್‌ ಗೌಡಗೆ ಜಾಮೀನು

ಹಾಸನ: ಪೈನ್‌ಡ್ರೈವ್‌ ಹಂಚಿಕೆ ಪ್ರಕರಣ ಆರೋಪದಲ್ಲಿ ಬಂಧಿತರಾಗಿ ನ್ಯಾಯಾಂಗ ಬಂಧನದಲ್ಲಿದ್ದ ಹಾಸನ ತಾಲೂಕು ಯಲಗುಂದ ಗ್ರಾಮದ ಚೇತನ್‌ ಹಾಗೂ ಶ್ರವಣಬೆಳಗೊಳದ ಲಿಖಿತ್‌ಗೌಡಗೆ ಜಾಮೀನು ಸಿಕ್ಕಿದೆ.

ಹಾಸನದ ಮೂರನೇ ಅಧಿಕ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯ ಜಾಮೀನು ಮಂಜೂರು ಮಾಡಿದ್ದು, 18 ದಿನಗಳಿಂದ ಜೈಲಲ್ಲಿದ್ದ ಆರೋಪಿಗಳಿಬ್ಬರು ಶುಕ್ರವಾರ ಜೈಲಿನಿಂದ ಹೊರ ಬರಲಿದ್ದಾರೆ.  ಪ್ರಕರಣದಲ್ಲಿ ಆರು ಮತ್ತು ಏಳನೇ ಆರೋಪಿಯಾಗಿರುವ ಯಲಗುಂದ ಚೇತನ್‌ ಹಾಗೂ ಲಿಖಿತ್‌ ಗೌಡ ಇಬ್ಬರೂ ರಾಜ್ಯ ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಹಾಸನದ ಮಾಜಿ ಶಾಸಕ ಪ್ರೀತಂ ಗೌಡ ಅವರ ಆಪ್ತರಾಗಿದ್ದು, ಮೇ 12 ರಂದು ಅವರಿಬ್ಬರನ್ನೂ ಎಸ್‌ಐಟಿ  ಬಂಧಿಸಿತ್ತು.