Advertisement

10 ವರ್ಷದ ಬಾಲಕಿಗೆ ಚಿತ್ರಹಿಂಸೆ: ಪೈಲಟ್‌ ದಂಪತಿಗೆ ಜನರಿಂದ ಥಳಿತ

12:11 AM Jul 20, 2023 | Team Udayavani |

ಹೊಸದಿಲ್ಲಿ: 10 ವರ್ಷದ ಬಾಲಕಿಯೊಬ್ಬಳನ್ನು ಮನೆಗೆಲಸಕ್ಕೆ ನೇಮಿಸಿ ಕೊಂಡಿದ್ದಲ್ಲದೇ, ಆಕೆಗೆ ಚಿತ್ರ ಹಿಂಸೆ ನೀಡಿರುವ ಆರೋಪದ ಮೇರೆಗೆ ಇಂಡಿಗೋ ವಿಮಾನಯಾನ ಸಂಸ್ಥೆಯ ಪೈಲಟ್‌ ಹಾಗೂ ಅದೇ ಸಂಸ್ಥೆಯ ಸಿಬಂದಿಯಾಗಿರುವ ಆಕೆಯ ಪತಿಯನ್ನು ಜನರ ಗುಂಪೊಂದು ಹಿಗ್ಗಾಮುಗ್ಗಾ ಥಳಿಸಿರುವ ಘಟನೆ ದಿಲ್ಲಿಯ ದ್ವಾರಕಾದಲ್ಲಿ ವರದಿಯಾಗಿದೆ.

Advertisement

ದಂಪತಿಯನ್ನು ಜನರು ಥಳಿಸುತ್ತಿರುವ ವೀಡಿಯೋ ವೈರಲ್‌ ಆದ ಬೆನ್ನಲ್ಲೇ, ಇಂಡಿಗೋ ಈ ಇಬ್ಬರನ್ನು ಕರ್ತವ್ಯದಿಂದ ವಜಾಗೊಳಿಸಿ, ತನಿಖೆಗೆ ಆದೇಶಿಸಿದೆ. ಭಾರತದಲ್ಲಿ ಬಾಲಕಾರ್ಮಿಕ ಪದ್ಧತಿ ನಿಷೇಧವಾಗಿದ್ದರೂ, 2 ತಿಂಗಳ ಹಿಂದಷ್ಟೇ ದಂಪತಿ 10ರ ಬಾಲಕಿಯನ್ನು ಮನೆಗೆಲಸಕ್ಕೆ ನೇಮಿಸಿಕೊಂಡಿದ್ದಾರೆ. ಜತೆಗೆ ಮಗು ಕಳ್ಳತನ ಮಾಡಿದೆ ಎಂದು ಆರೋಪಿಸಿ ಆಕೆಯನ್ನು ಥಳಿಸಿ, ಚಿತ್ರಹಿಂಸೆ ನೀಡಿದ್ದಾರೆ. ಮಗುವಿನ ಸಂಬಂಧಿಕರೊಬ್ಬರು ಆಕೆಯ ಕಣ್ಣಿನ ಭಾಗ ಹಾಗೂ ತೋಳಿನಲ್ಲಿ ಆಗಿರುವ ಸುಟ್ಟ ಗಾಯ ಗಮನಿಸಿದಾಗ ವಿಷಯ ತಿಳಿದಿದೆ.

ಇದರಿಂದ ಉದ್ರಿಕ್ತರಾದ ಸ್ಥಳೀಯರು ದಂಪತಿಯನ್ನು ಮನಬಂದಂತೆ ಥಳಿಸಿದ್ದಾರೆ. ಬಳಿಕ ಪೊಲೀಸರು ಬಂದು ದಂಪತಿಯನ್ನು ವಶಕ್ಕೆ ಪಡೆದು, ಮಗುವನ್ನು ವೈದ್ಯಕೀಯ ಪರೀಕ್ಷೆಗೆ ಕಳುಹಿಸಿದ್ದಾರೆ. ಆಕೆ ಹೇಳಿಕೆ ಆಧರಿಸಿ ದೂರು ದಾಖಲಿಸುವುದಾಗಿ ಹೇಳಿದ್ದಾರೆ.

Advertisement

Udayavani is now on Telegram. Click here to join our channel and stay updated with the latest news.

Next