ವಿಮಾನದ ಕಾಕ್‌ಪಿಟ್‌ನಲ್ಲೇಮೂರ್ಛೆ ಹೋದ ಪೈಲಟ್!

ಅಡಿಲೇಡ್‌: ಆಸ್ಟ್ರೇಲಿಯದ ಫ್ಲೈಟ್ ಟ್ರೈನಿಂಗ್‌ ಅಡಿಲೇಡ್‌ ಎಂಬ ವೈಮಾನಿಕ ತರಬೇತಿ ಸಂಸ್ಥೆಯ ವಿದ್ಯಾರ್ಥಿಯೊಬ್ಬ, ತಾನು ಪ್ರಾಯೋಗಿಕವಾಗಿ ವಿಮಾನವೊಂದನ್ನು ಹಾರಾಡಿಸುವಾಗ ಕಾಕ್‌ಪಿಟ್‌ನಲ್ಲೇ ಪ್ರಜ್ಞಾಹೀನನಾದ ಘಟನೆ ನಡೆದಿದ್ದು, ಅದರ ಹಿಂದಿನ ಕಾರಣಗಳು ತಿಳಿದುಬಂದಿವೆ.

ಮಾ. 9ರಂದು ನಡೆದಿದ್ದ ಈ ಘಟನೆಯ ಬಗ್ಗೆ ಕೂಲಂಕಶ ತನಿಖೆ ನಡೆಸಿರುವ ಆಸ್ಟ್ರೇಲಿಯನ್‌ ಟ್ರಾನ್ಸ್‌ಪೋರ್ಟ್‌, ಈ ಬಗ್ಗೆ ವರದಿ ಸಲ್ಲಿಸಿದೆ. ನಿದ್ರಾಹೀನತೆ, ಉಪಾಹಾರದ ಬದಲು ಪೈಲಟ್ ಕೇವಲ ಒಂದು ಚಾಕೋಲೇಟ್ ಬಾರ್‌ ಮತ್ತು ಸ್ವಲ್ಪ ನೀರು ಸೇವಿಸಿದ್ದರು. ಅನಂತರ ವಿಮಾನ ಚಾಲನೆ ಮಾಡಿಕೊಂಡು ಪೋರ್ಟ್‌ ಅಗಸ್ಟಾ ವಿಮಾನ ನಿಲ್ದಾಣದಿಂದ ವಿಮಾನ ಚಾಲನೆ ಮಾಡಿಕೊಂಡು ಏಕಾಂಗಿ ಯಾಗಿ ತೆರಳಿದ್ದರು. ದಕ್ಷಿಣ ಆಸ್ಟ್ರೇಲಿಯಾದ ಪ್ಯಾರಾಫೀಲ್ಡ್ ವಿಮಾನ ನಿಲ್ದಾಣದಲ್ಲಿ ವಿಮಾನ ಇಳಿಸಬೇಕಿದ್ದ ಅವರು, ಮಾರ್ಗ ಮಧ್ಯೆ, ವಿಮಾನ 5,500 ಅಡಿ ಎತ್ತರದಲ್ಲಿದ್ದಾಗ ಪ್ರಜ್ಞೆ ತಪ್ಪಿದ್ದಾರೆ. ಆನಂತರ ಎಚ್ಚೆತ್ತುಕೊಂಡು ವಿಮಾನವನ್ನು ಪುನಃ ಪೋರ್ಟ್‌ ಅಗ ಸ್ಟಾದಲ್ಲೇ ತಂದು ಇಳಿಸಿದ್ದಾರೆ ಎಂದು ವರದಿಯಲ್ಲಿ ಹೇಳಲಾಗಿದೆ.