ಟಾಪ್‌ 5 ಜಡ್ಜ್ಗಳಿಂದ ಪಿಐಎಲ್‌ ವಿಚಾರಣೆ

ಹೊಸದಿಲ್ಲಿ: ಇನ್ನು ಮುಂದೆ ಸುಪ್ರೀಂಕೋರ್ಟ್‌ ನಲ್ಲಿ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ (ಪಿಐಎಲ್‌)ಗಳ ವಿಚಾರಣೆಯನ್ನು ಟಾಪ್‌ 5 ನ್ಯಾಯಮೂರ್ತಿಗಳೇ ನಡೆಸಲಿದ್ದಾರೆ. ಈ ಬಗ್ಗೆ ಬುಧವಾರ ಸುಪ್ರೀಂಕೋರ್ಟ್‌ ರಿಜಿಸ್ಟ್ರಿ ಹೊಸ ರೋಸ್ಟರ್‌ ಪದ್ಧತಿ ಪ್ರಕಟಿಸಿದೆ ಎಂದು “ದ ಹಿಂದುಸ್ತಾನ್‌ ಟೈಮ್ಸ್‌’ ವರದಿ ಮಾಡಿದೆ.

ಹೊಸ ಪದ್ಧತಿ ಪ್ರಕಾರ ಮುಖ್ಯ ನ್ಯಾಯಮೂರ್ತಿ ರಂಜನ್‌ ಗೊಗೋಯ್‌, ಇತರ ನ್ಯಾಯಮೂರ್ತಿಗಳಾದ ಎಸ್‌.ಎ. ಬೋಬೆx, ಎನ್‌.ವಿ.ರಮಣ, ಅರುಣ್‌ ಮಿಶ್ರಾ, ರೋಹಿಂಟಂನ್‌ ಫಾಲಿ ನಾರಿಮನ್‌ ನೇತೃತ್ವದ ನ್ಯಾಯಪೀಠ ಮಾತ್ರ ಪಿಐಎಲ್‌ಗ‌ಳ ವಿಚಾರಣೆ ಕೈಗೆತ್ತಿಕೊಳ್ಳಲಿದೆ.

ಚುನಾವಣೆಗೆ ಸಂಬಂಧಿತ ವಿಚಾರಗಳನ್ನು ಇದುವರೆಗೆ ಮುಖ್ಯ ನ್ಯಾಯಮೂರ್ತಿ ಮಾತ್ರ ವಿಚಾರಣೆ ನಡೆಸುತ್ತಿದ್ದರು. ಹೊಸ ವ್ಯವಸ್ಥೆಯಲ್ಲಿ ಜು. 1ರಿಂದ ನ್ಯಾ| ಎಸ್‌.ಎ. ಬೋಬೆx ಕೂಡ ಅಂಥ ಅರ್ಜಿಗಳ ವಿಚಾರಣೆ ನಡೆಸಲಿದ್ದಾರೆ. ಇನ್ನು ನಾಲ್ಕು ತಿಂಗಳಲ್ಲಿ ಮುಖ್ಯ ನ್ಯಾಯಮೂರ್ತಿ ರಂಜನ್‌ ಗೊಗೋಯ್‌ ನಿವೃತ್ತಿಯಾಗಲಿದ್ದಾರೆ. ಕೇಸುಗಳನ್ನು ಹಂಚುವಿಕೆಯಲ್ಲಿ ಹಿಂದಿನ ಮುಖ್ಯ ನ್ಯಾಯಮೂರ್ತಿಗಳು ಹಾಕಿಕೊಟ್ಟ ಮಾರ್ಗ ಅನುಸರಿಸಿದ್ದರೂ, ಪಿಐಎಲ್‌ಗ‌ಳ ಹಂಚಿಕೆ ನಿಯಮದಲ್ಲಿ ಕೊಂಚ ಬದಲು ಮಾಡಿದ್ದಾರೆ ನ್ಯಾ.ಗೊಗೋಯ್‌.