ಫೋನಿ ಚಂಡಮಾರುತ ಆತಂಕ

ಚೆನ್ನೈ: ಬಂಗಾಲಕೊಲ್ಲಿಯಲ್ಲಿ ಉಂಟಾಗಿರುವ “ಫೋನಿ’ ಚಂಡ ಮಾರುತವು ತಮಿಳುನಾಡು ಮತ್ತು ಆಂಧ್ರ ಪ್ರದೇಶದ ಕರಾವಳಿಯ ಮೇಲೆ ಪ್ರಭಾವ ಬೀರುವ ಆತಂಕ ಹೊಂದ ಲಾಗಿದೆ. ಫೋನಿ ಚಂಡಮಾರುತ ಮುಂದಿನ 24 ಗಂಟೆಗಳಲ್ಲಿ ತೀವ್ರ ಸ್ವರೂಪ ಪಡೆಯಲಿದೆ. ಸದ್ಯ ಇದು ನಿಧಾನ ವಾಗಿ ಗಂಟೆಗೆ 9 ಕಿ.ಮೀ. ವೇಗದಲ್ಲಿ ಚಲಿಸುತ್ತಿದ್ದು, ಮುಂದೆ ಅತೀ ತೀವ್ರತೆ ಪಡೆದು 170 ಕಿ.ಮೀ.ವರೆಗೂ ವೇಗ ಪಡೆಯಲಿದೆ. ಪ್ರಸ್ತುತ ಇದರ ಕೇಂದ್ರಬಿಂದು ಶ್ರೀಲಂಕಾ ಗಡಿಯಿಂದ 850 ಕಿ.ಮೀ. ಮತ್ತು ಚೆನ್ನೈಯಿಂದ 1,200 ಕಿ.ಮೀ. ದೂರದಲ್ಲಿದೆ.

ಎ. 30ರ ವೇಳೆಗೆ ತೀವ್ರ ಸ್ವರೂಪದ ಚಂಡಮಾರುತವಾಗಲಿದೆ. ಅನಂತರ ಕ್ರಮೇಣ ಅದರ ವೇಗ ಕಡಿಮೆಯಾಗಲಿದೆ. ಈಗಿನ ಚಲನೆಯ ಪ್ರಕಾರ ಅದು ಸಮುದ್ರದಲ್ಲಿಯೇ ತಿರುವು ಪಡೆಯಲಿದೆ. ಭಾರತದ ಕರಾವಳಿಗೆ ಅಪ್ಪಳಿಸುವ ಸಾಧ್ಯತೆ ಕಡಿಮೆ ಎಂದು ಹವಾಮಾನ ಇಲಾಖೆಯ ಅಧಿಕಾರಿಗಳು ತಿಳಿಸಿದ್ದಾರೆ.