ಫಿಲಿಪ್ಪೀನ್ಸ್‌ ಮಾರಕ ಬಿರುಗಾಳಿ: ಬಲಿ ಸಂಖ್ಯೆ 30ಕ್ಕೆ ಏರಿಕೆ

ಮನಿಲಾ : ದಕ್ಷಿಣ ಫಿಲಿಪ್ಪೀನ್ಸ್‌ನಲ್ಲಿ ಬೀಸಿದ ಮಾರಕ ಬಿರುಗಾಳಿಗೆ ಮೃತಪಟ್ಟವರ ಸಂಖ್ಯೆ 30ಕ್ಕೆ ಏರಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಟೆಂಬಿನ್‌ ನಾಮಾಂಕಿತ ಮಾರಕ ಬಿರುಗಾಳಿಯಿಂದ ಉಂಟಾದ ಜಡಿ ಮಳೆ, ಭೂಕುಸಿತ ಮತ್ತು ಪ್ರವಾಹದಿಂದಾಗಿ ಮಿಂಡಾನೋ ದ್ವೀಪದ ಟುಬೋಡ್‌ ಪಟ್ಟಣದ ತೀವ್ರವಾಗಿ ತತ್ತರಿಸಿದ್ದು ಈ ಭಾಗದ ಒಂದು ಗ್ರಾಮಕ್ಕೆ ಗ್ರಾಮವೇ ಪೂರ್ಣವಾಗಿ ಕೆಸರು ಮಣ್ಣಿನಡಿ ಸಮಾಧಿಯಾಗಿದೆ ಎಂದು ಪೊಲೀಸ್‌ ವರದಿಯೊಂದು ತಿಳಿಸಿದೆ. 

ಆಸುಪಾಸಿನ ಪಟ್ಟಣ ಮತ್ತು ನಗರಗಳಲ್ಲಿ ಇತರ ನಾಲ್ವರು ಮೃತಪಟ್ಟು ಹಲವು ಗಾಯಗೊಂಡಿದ್ದಾರೆ. ಹಾಗೆಯೇ ಲೆನಾವೋ ಡೆಲ್‌ ಸುರ್‌ ಪ್ರಾಂತ್ಯದಲ್ಲಿ ಏಳು ಮಂದಿ ಮೃತಪಟ್ಟಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.