ಹೊಸದಿಲ್ಲಿ : ಕಳೆದ ಕೆಲ ದಿನಗಳಂದ ನಿಶ್ಚಲವಾಗಿದ್ದ ಪೆಟ್ರೋಲ್ ಬೆಲೆ ಇಂದು ಗುರುವಾರ ಮತ್ತೆ ಸ್ವಲ್ಪ ಇಳಿಮುಖವಾಗಿರುವುದು ಗ್ರಾಹಕರಿಗೆ ಇನ್ನಷ್ಟು ನೆಮ್ಮದಿ ಕೊಟ್ಟಿದೆ.
ಇಂದು ಪೆಟ್ರೋಲ್ ಬೆಲೆ ಲೀಟರಿಗೆ 18 ಪೈಸೆ ಇಳಿದ ಪರಿಣಾಮವಾಗಿ ದಿಲ್ಲಿಯಲ್ಲಿ ಪೆಟ್ರೋಲ್ ಲೀಟರ್‌ ಬೆಲೆ 79.37 ರೂ. ಗೆ ಇಳಿದಿದೆ; ಮುಂಬಯಿಯಲ್ಲಿ ಇದು 84.86 ರೂ. ಗೆ ಇಳಿದಿದೆ.
ಆದರೆ ಡೀಸೆಲ್‌ ದರ ಕಳೆದ ಬುಧವಾರ ಎಷ್ಟಿತ್ತೋ ಅದೇ ಮಟ್ಟದಲ್ಲಿ ಉಳಿದುಕೊಂಡಿಡಿದೆ. ದಿಲ್ಲಿಯಲ್ಲಿ ಡೀಸೆಲ್‌ ಲೀಟರ್‌ ಬೆಲೆ 73.78 ರೂ.; ಮುಂಬಯಿಯಲ್ಲಿ 77.32 ರೂ ಇದೆ.
ಕೋಲ್ಕತದಲ್ಲಿಯೂ ಪೆಟ್ರೋಲ್ ಲೀಟರ್‌ ಬೆಲೆ 18 ಪೈಸೆ ಇಳಿದು 81.25 ರೂ. ಆಗಿದೆ; ಚೆನ್ನೈನಲ್ಲಿ 19 ಪೈಸೆ ಇಳಿದು 82.46 ರೂ. ಆಗಿದೆ.
ಚೆನ್ನೈ ಮತ್ತು ಕೋಲ್ಕತದಲ್ಲಿ ಡೀಸೆಲ್‌ ಬೆಲೆ ನಿಶ್ಚಲವಾಗಿ ಉಳಿದಿದೆ. ಚೆನ್ನೈನಲ್ಲಿ ಇದು 78 ರೂ. ಮತ್ತು ಕೋಲ್ಕತದಲ್ಲಿ 75.63 ರೂ. ಇದೆ.
ಅಂತಾರಾಷ್ಟ್ರೀಯ ಬ್ರೆಂಟ್‌ ಕಚ್ಚಾ ತೈಲ ಬೆಲೆ ಈಚಿನ ದಿನಗಳಲ್ಲಿ ನಿರಂತರವಾಗಿ ಇಳಿದಿದ್ದು ಪ್ರಕೃತ ಬ್ಯಾರಲ್‌ಗೆ 65.01 ಡಾಲರ್‌ಗೆ ತಲುಪಿರುವುದರ ಪರಿಣಾಮವಾಗಿ ದೇಶದಲ್ಲಿ ಪೆಟ್ರೋಲ್ ಬೆಲೆ ಸ್ವಲ್ಪಮಟ್ಟಿಗೆ ಇಳಿದಿದೆ.
