ಪೂಜಾ ಸ್ಥಳ ಕಾಯ್ದೆಯ ವಿರುದ್ಧ ಸುಪ್ರೀಂಗೆ ಸಂತರ ಸಮಿತಿ ಅರ್ಜಿ

ಹೊಸದಿಲ್ಲಿ: 1991ರ ಪೂಜಾ ಸ್ಥಳ ಕಾಯ್ದೆ ಜಾರಿ ವಿಚಾರದಲ್ಲಿ ಮಧ್ಯಪ್ರವೇಶಿಸಬೇಕು ಎಂದು ಅಖೀಲ ಭಾರತ ಸಂತರ ಸಮಿತಿ ಆಗ್ರಹಿಸಿದೆ. ಆ ಬಗ್ಗೆ ಅದು ಸುಪ್ರೀಂ ಕೋರ್ಟ್‌ಗೆ ಅರ್ಜಿ ಸಲ್ಲಿಸಿದೆ. ಈ ಕಾಯ್ದೆಯು ಆಕ್ರಮಣಕಾರರು ನಿರ್ಮಿಸಿದ ಸ್ಥಳ ಗಳಿಗೆ ಮಾನ್ಯತೆ ನೀಡಿದೆ. ಕಾಯ್ದೆಯಲ್ಲಿನ ಸೆಕ್ಷನ್‌ 3 ಮತ್ತು 4 ಅಂಶಗಳು ತಾರತಮ್ಯದಿಂದ ಕೂಡಿವೆ ಎಂದು ಅದು ಆರೋಪಿಸಿದೆ. ಸೆಕ್ಷನ್‌ 3ರ ಅನ್ವಯ 1947 ಆ.15ರ ಬಳಿಕ ಧಾರ್ಮಿಕ ಕೇಂದ್ರಗಳು ಹೊಂದಿರುವ ಯಥಾ ಸ್ಥಿತಿಯನ್ನು ಕಾಪಾಡುವುದು ಮತ್ತು ಸೆಕ್ಷನ್‌ 4 ಧಾರ್ಮಿಕ ವಿವಾದ ವಿಚಾರಣೆಗೆ ಕೋರ್ಟ್‌ಗಳ ಪ್ರವೇಶಕ್ಕೆ ತಡೆಯೊಡ್ಡುತ್ತವೆ. ಈ ಅಂಶಗಳನ್ನು ತೆಗೆದು ಹಾಕಬೇಕು ಎಂದು ಆಗ್ರಹಿಸಲಾಗಿದೆ. ಮುಂದಿನ ತಿಂಗಳು ಅರ್ಜಿಯ ವಿಚಾರಣೆ ನಡೆಯುವ ಸಾಧ್ಯತೆ ಇದೆ.