ಪೆರು ಬೀಚ್‌ನಲ್ಲಿ ಪ್ರಪಾತಕ್ಕೆ ಬಿದ್ದ ಬಸ್‌; 48 ಸಾವು 

ಲಿಮಾ: ಪೆರುವಿನಲ್ಲಿ ನಡೆದ ಭೀಕರ ಅವಘಡವೊಂದರಲ್ಲಿ ಬಸ್ಸೊಂದು ಸಮುದ್ರದ ಕಿನಾರೆ ಬಳಿಯ ಗುಡ್ಡದಿಂದ ಪ್ರಪಾತಕ್ಕೆ ಬಿದ್ದ ಪರಿಣಾಮ 48 ಮಂದಿ ದಾರುಣವಾಗಿ ಸಾವನ್ನಪ್ಪಿದ್ದಾರೆ. 

ಅವಘಡನಡೆವ ವೇಳೆ ಬಸ್‌ನಲ್ಲಿ 57 ಮಂದಿ ಪ್ರಯಾಣಿಸುತ್ತಿದ್ದರು ಎಂದು ವರದಿಯಾಗಿದೆ. 9 ಮಂದಿ ಗಂಭೀರವಾಗಿ ಗಾಯಗೊಂಡಿದ್ದು ರಕ್ಷಣಾ ಕಾರ್ಯ ನಡೆಸಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. 

ಹೆದ್ದಾರಿಯಲ್ಲಿರುವ ಡೆವಿಲ್‌ ಕರ್ವ್‌ ಎಂಬ ತಿರುವಿನಲ್ಲಿ ಈ ಭೀಕರ ಅವಘಡ ಸಂಭವಿಸಿದ್ದು, ಎದುರಿನಿಂದ ಬಂದ ಟ್ರ್ಯಾಕ್ಟರ್‌ ಗೆ ಢಿಕ್ಕಿಯಾಗಿ ಪ್ರಪಾತಕ್ಕೆ ಬಿದ್ದಿದೆ ಎಂದು ವರಿದಿಯಾಗಿದೆ. 

 ರಕ್ಷಣಾ ಕಾರ್ಯಕ್ಕೆ ಪೊಲೀಸರು,ಸೇನೆ ನೆರವಾದರು. ದುರ್ಗಮ ಪ್ರವೇಶವಾದುದರಿಂದ ರಕ್ಷಣಾ ಕಾರ್ಯಕ್ಕೆ  ಹೆಲಿಕ್ಯಾಪ್ಟರ್‌ಗಳನ್ನು ಬಳಸಿಕೊಳ್ಳಲಾಯಿತು.