ವಿಮಾನಗಳಲ್ಲಿ ಮಧ್ಯದ ಆಸನ ಭರ್ತಿಗೆ ಅನುಮತಿ

ಮುಂಬಯಿ: ವಿಮಾನ ಕಂಪೆನಿಗಳಿಗೆ ಮಧ್ಯದ ಸೀಟುಗಳನ್ನು ಭರ್ತಿ ಮಾಡಲು ಬಾಂಬೆ ಹೈಕೋರ್ಟ್‌ ಸೋಮವಾರ ಅನುಮತಿ ನೀಡಿದೆ. ಅದಕ್ಕಾಗಿ ಮೇ 31ರಂದು ನಾಗ ರಿಕ ವಿಮಾನಯಾನ ನಿರ್ದೇಶನಾಲಯ ಹೊರಡಿಸಿದ ಮಾರ್ಗಸಚಿಗಳನ್ನು ಕಡ್ಡಾಯವಾಗಿ ಪಾಲಿಸಬೇಕು ಎಂದು ನ್ಯಾ| ಎಸ್‌.ಜೆ.ಕಥವಲ್ಲಾ ಮತ್ತು ನಾ| ಎಸ್‌.ಪಿ.ತಾವಡೆ ಅವರ ನ್ನೊಳಗೊಂಡ ವಿಭಾಗೀಯ ನ್ಯಾಯಪೀಠ ಸೂಚಿಸಿದೆ. ಮಧ್ಯದ ಸೀಟುಗಳನ್ನು ಪ್ರಯಾಣಿಕರ ಒತ್ತಡ ಹಿನ್ನೆಲೆಯಲ್ಲಿ ಖಾಲಿ ಬಿಡಲು ಸಾಧ್ಯವಾಗದೇ ಇದ್ದರೆ ಆರೋಗ್ಯ ಸಂರಕ್ಷಣೆಯ ಬಗ್ಗೆ ಹೆಚ್ಚಿನ ಎಚ್ಚರಿಕೆ ವಹಿಸಬೇಕು ಎಂದು 50 ಪುಟಗಳ ಆದೇಶದಲ್ಲಿ ನ್ಯಾಯಪೀಠ ಸೂಚಿಸಿದೆ.