ಗಂಗಾ ತೀರ ವಾಸಿಗಳ ಜೀವನ 7 ವರ್ಷ ಇಳಿಕೆ

ಹೊಸದಿಲ್ಲಿ: ಗಂಗಾ ತೀರ ಪ್ರದೇಶದಲ್ಲಿ ವಾಸಿಸುವ ಜನರ ಜೀವಿತಾವಧಿ 7 ವರ್ಷಗಳಷ್ಟು ಕಡಿಮೆಯಾಗಿದೆ ಎಂದು ಶಿಕಾಗೋ ವಿವಿಯ ಎನರ್ಜಿ ಪಾಲಿಸಿ ಇನ್‌ಸ್ಟಿಟ್ಯೂಟ್‌ ಸಂಸ್ಥೆ ನಡೆಸಿದ ಅಧ್ಯಯನದಲ್ಲಿ ಬಹಿರಂಗವಾಗಿದೆ. 1998 ರಿಂದ 2016ರ ಅವಧಿಯಲ್ಲಿ ಬಿಹಾರ, ಚಂಡೀಗಢ‌, ದಿಲ್ಲಿ, ಹರ್ಯಾಣ, ಪಂಜಾಬ್‌, ಉತ್ತರ ಪ್ರದೇಶ ಮತ್ತು ಪಶ್ಚಿಮ ಬಂಗಾಲಗಳಲ್ಲಿ ಈ ಅಧ್ಯಯನ ನಡೆಸಲಾಗಿದೆ.

ಇಲ್ಲಿನ ಗಾಳಿಯ ಗುಣಮಟ್ಟ ವ್ಯಾಪಕ ಕುಸಿದಿದೆ. ದೇಶದ ಉಳಿದ ಭಾಗಗಳಿಗೆ ಹೋಲಿಸಿದರೆ ಮಾಲಿನ್ಯ 3 ಪಟ್ಟು ಅಧಿಕವಾಗಿದೆ. 2016ರಲ್ಲಿ ಮಾಲಿನ್ಯ ಪ್ರಮಾಣ ಶೇ.72ರಷ್ಟು ಹೆಚ್ಚಾಗಿತ್ತು. ಇದರಿಂದಾಗಿ 3.4 ರಿಂದ 7.1 ವರ್ಷಗಳಷ್ಟು ಜನರ ಜೀವಿತಾವಧಿ ಕುಸಿದಿದೆ ಎಂದು ವರದಿ ತಿಳಿಸಿದೆ.