ನಾಳೆ ಪೇಜಾವರ ಶ್ರೀಗಳು ಮಠಕ್ಕೆ ಸ್ಥಳಾಂತರ

ಉಡುಪಿ: ಮಣಿಪಾಲ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಪೇಜಾವರ ಮಠದ ಶ್ರೀವಿಶ್ವೇಶತೀರ್ಥ ಶ್ರೀಪಾದರನ್ನು ವೆಂಟಿಲೇಟರ್‌ ಸಹಿತವಾಗಿ ಪೇಜಾವರ ಮಠಕ್ಕೆ ರವಿವಾರ ಬೆಳಗ್ಗೆ ಸ್ಥಳಾಂತರಿಸಲಾಗುತ್ತದೆ.

“ಭಕ್ತರ ಬೇಡಿಕೆ ಮೇರೆಗೆ ಮಠಕ್ಕೆ ಸ್ಥಳಾಂತರಿಸಲಾಗುತ್ತದೆ. ವೈದ್ಯರನ್ನು ಒಳಗೊಂಡ ವೆಂಟಿಲೇಟರ್‌ ಸೌಲಭ್ಯವನ್ನು ಮಠದಲ್ಲಿ ಅಳವಡಿಸಲಾಗುವುದು. ಭಕ್ತರು ಸದ್ಯ ಮಠಕ್ಕೆ ಭೇಟಿ ಕೊಡುವುದು ಬೇಡ, ಭಕ್ತರು ತಾವಿದ್ದಲ್ಲಿಂದಲೇ ಪ್ರಾರ್ಥಿಸಿದರೆ ಉತ್ತಮ’ ಎಂದು ಕಿರಿಯ ಶ್ರೀಗಳು ಮಾಧ್ಯಮಗಳಿಗೆ ತಿಳಿಸಿದ್ದಾರೆ.