ಶಾಂತಿ: ಡಾ|ಹೆಗ್ಗಡೆ ಕರೆ

ಬೆಳ್ತಂಗಡಿ: ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಶಾಂತಿ ಸಾಮರಸ್ಯ ಕಾಪಾಡಲು ಎಲ್ಲರೂ ಒಗ್ಗೂಡಬೇಕು ಎಂದು ಶ್ರೀ ಕ್ಷೇತ್ರ ಧರ್ಮಸ್ಥಳದ ಡಾ| ಡಿ. ವೀರೇಂದ್ರ ಹೆಗ್ಗಡೆ ಹೇಳಿದ್ದಾರೆ.

ಈ ಬಗ್ಗೆ ಹೇಳಿಕೆ ನೀಡಿರುವ ಅವರು ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಉಂಟಾಗಿರುವ ಘಟನೆಗಳಿಂದ ರಾಜ್ಯದಲ್ಲಿ ಆತಂಕ ಉಂಟಾಗಿದೆ. ಧಾರ್ಮಿಕ ಸಹಿಷ್ಣುತೆಗೆ ಹೆಸರಾಗಿರುವ ದಕ್ಷಿಣಕನ್ನಡ ಜಿಲ್ಲೆಯಲ್ಲಿ ಸಂಘರ್ಷಗಳಿಗೆ ಕೊನೆ ಯಾವಾಗ ಎಂದು ಚಿಂತಿಸುವಂತಾಗಿದೆ. ಚಪ್ಪಾಳೆ ಸದ್ದು ಬರಲುಎರಡೂ ಕೈಗಳನ್ನು ಜೋಡಿಸಬೇಕಾಗುತ್ತದೆ. ಈಗ ನಡೆದಿರುವ ಘಟನೆಗಳಿಗೆ ಯಾರನ್ನು ಗುರುತಿಸಬೇಕೆಂದು ಯೋಚಿಸುವ ಬದಲು ಕೋಮು ಸೌಹಾರ್ದಕ್ಕೆ ಎಲ್ಲರೂ ಸಹಕರಿಸಬೇಕಾಗಿದೆ.

ನಾನು ವಿದೇಶ ಪ್ರವಾಸದಲ್ಲಿದ್ದರಿಂದ ಪ್ರತಿಕ್ರಿಯೆಗೆ ವಿಳಂಬವಾಯಿತು. ಜಿಲ್ಲೆಯ ಸರ್ವರಲ್ಲೂ ನನ್ನ ಕೋರಿಕೆ ಎಂದರೆ ಶಾಂತಿ 
ಮತ್ತು ಸಹಬಾಳ್ವೆ ಹಿಂದಿನಂತೆ ಸಾಗಬೇಕು ಎರಡು ಧರ್ಮ ಪ್ರತಿನಿ ಧಿಗಳು, ಮುಖಂಡರು ಹಾಗೂ ಪ್ರಜಾಪ್ರತಿನಿ ಧಿಗಳು ತಾಳ್ಮೆ ಮತ್ತು ಶಾಂತಿಯ ವಾತಾವರಣಕ್ಕೆ ಸಹಕರಿಸಬೇಕೆಂದು ಡಾ| ಡಿ. ವೀರೇಂದ್ರ ಹೆಗ್ಗಡೆ ಅವರು ಕೇಳಿಕೊಂಡಿದ್ದಾರೆ.