ಪೇಟಿಎಂ ಷೇರು: ಬಾಂಬೆ ಷೇರು ಪೇಟೆಯಲ್ಲಿ ಶೇ.20 ರಷ್ಟು ಕುಸಿತ

ಮುಂಬಯಿ: ಪೇಟಿಎಂ ಪೇಮೆಂಟ್‌ ಬ್ಯಾಂಕ್‌ಗೆ ಫೆ.29ರಿಂದ ಯಾವುದೇ ವಹಿವಾಟು ನಡೆಸಬಾರದು ಎಂದು ಆರ್‌ ಬಿಐ ಬುಧವಾರ ಆದೇಶ ನೀಡಿತ್ತು. ಇದರಿಂದಾಗಿ ಗುರುವಾರ ಬಾಂಬೆ ಷೇರುಪೇಟೆಯಲ್ಲಿ ಪೇಟಿಎಂ ಷೇರುಗಳು ಗಣನೀಯ ಪ್ರಮಾಣದಲ್ಲಿ ಕುಸಿದು ಹೋಗಿವೆ.

ಬಾಂಬೆ ಷೇರು ಪೇಟೆಯಲ್ಲಿ ಗುರು ವಾರ ವಹಿವಾಟು ಆರಂಭ ವಾಗುತ್ತಿದ್ದಂತೆಯೇ ಪೇಟಿಎಂ ಪೇಮೆಂಟ್ಸ್‌ ಬ್ಯಾಂಕ್‌ ಲಿಮಿಟೆಡ್‌ (ಪಿಪಿಬಿಎಲ್‌)ನ ಪ್ರತಿ ಷೇರಿಗೆ 608 ರೂ.ಗಳಿಂದ ಆರಂಭ ವಾಯಿತು. ದಿನದ ವಹಿ ವಾಟಿನಲ್ಲಿ ಅದು ಶೇ.20ರ ವರೆಗೆ ಕುಸಿದು, ಕನಿಷ್ಠ ವಹಿವಾಟು ಮಾಡಲು ಸಾಧ್ಯವಿಲ್ಲದ ಪರಿಸ್ಥಿತಿಗೂ ತಲುಪಿದೆ. ಷೇರು ವ್ಯವಹಾರ ಮಾರುಕಟ್ಟೆಯಲ್ಲಿ ಅದನ್ನು ಲೋವರ್‌ ಸರ್ಕಿಟ್‌ ಎಂದು ವಿವರಿಸಲಾಗಿದೆ.

500 ಕೋಟಿ ರೂ. ನಷ್ಟ?: ಪಿಪಿಬಿಎಲ್‌ನ ಬ್ರ್ಯಾಂಡ್‌ನ‌ ಮಾಲೀಕತ್ವ ಹೊಂದಿರುವ ಒನ್‌97 ಕಮ್ಯುನಿ ಕೇಷನ್ಸ್‌ ಲಿಮಿಟೆಡ್‌ (ಒಸಿಎಲ್‌)ಗೆ ಆರ್‌ಬಿಐ ನಿಷೇಧದಿಂದ ಸರಿ ಸುಮಾರು 300 ಕೋಟಿ ರೂ.ಗಳಿಂದ 500 ಕೋಟಿ ರೂ. ನಷ್ಟ ಉಂಟಾಗಿದೆ ಎಂದು ಅಂದಾಜಿಸಲಾಗಿದೆ.