Paytm: ಫಾಸ್ಟ್‌ಟ್ಯಾಗ್‌ ಇನ್ನು ಮಾನ್ಯವಲ್ಲ

ನವದೆಹಲಿ: ಪೇಟಿಎಂ ಫಾಸ್ಟ್‌ಟ್ಯಾಗ್‌ ಇನ್ನು ಮುಂದೆ ಮಾನ್ಯವಲ್ಲ. ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ(ಎನ್‌ಎಚ್‌ಎಐ)ವು ಅಧಿಕೃತ ಬ್ಯಾಂಕ್‌ಗಳ ಪಟ್ಟಿಯಿಂದ ಪೇಟಿಎಂ ಪೇಮೆಂಟ್‌ ಬ್ಯಾಂಕ್‌ ಲಿ.(ಪಿಪಿಬಿಎಲ್‌) ಹೆಸರನ್ನು ತೆಗೆದುಹಾಕಿದೆ.

32 ಅಧಿಕೃತ ಬ್ಯಾಂಕ್‌ಗಳಿಂದ ಮಾತ್ರ ಫಾಸ್ಟ್‌ಟ್ಯಾಗ್‌ ಖರೀದಿಸುವಂತೆ ಗ್ರಾಹಕರಿಗೆ ಭಾರತೀಯ ಹೆದ್ದಾರಿ ನಿರ್ವಹಣೆ ಕಂಪನಿ ಲಿ.(ಐಎಚ್‌ಎಂಸಿಎಲ್‌) ತಿಳಿಸಿದೆ. ಎಸ್‌ಬಿಐ, ಏರ್‌ಟೆಲ್‌ ಪೇಮೆಂಟ್‌ ಬ್ಯಾಂಕ್‌, ಅಲಹಾಬಾದ್‌ ಬ್ಯಾಂಕ್‌, ಆ್ಯಕ್ಸಿಸ್‌ ಬ್ಯಾಂಕ್‌, ಬ್ಯಾಂಕ್‌ ಆಫ್ ಬರೋಡಾ, ಕೆನರಾ ಬ್ಯಾಂಕ್‌, ಕರ್ನಾಟಕ ಬ್ಯಾಂಕ್‌ ಸೇರಿದಂತೆ ಒಟ್ಟು 32 ಅಧಿಕೃತ ಬ್ಯಾಂಕ್‌ಗಳಿಂದ ಮಾತ್ರ ಫ್ಯಾಸ್ಟ್‌ಟ್ಯಾಗ್‌ ಖರೀದಿಸುವಂತೆ ಎನ್‌ಎಚ್‌ಎಐ ಸೂಚಿಸಿದೆ.