ಪಯಸ್ವಿನಿ ನದಿಯಲ್ಲಿ ಹೂಳು: ವರದಿಗೆ ಸೂಚನೆ 

ಸುಳ್ಯ: ಕೊಡಗು ಪ್ರಾಕೃತಿಕ ವಿಕೋಪದ ಪರಿಣಾಮ ಪಯಸ್ವಿನಿ ನದಿಯಲ್ಲಿ ಹೂಳು ತುಂಬಿ ನೀರಿನಾಳ ಪ್ರದೇಶ ಮುಚ್ಚಿರುವ ಬಗ್ಗೆ ಪರಿಶೀಲನೆ ನಡೆಸಿ ಗುರುವಾರದೊಳಗೆ ವರದಿ ನೀಡುವಂತೆ ಸಹಾಯಕ ಆಯುಕ್ತರಿಗೆ ಜಿಲ್ಲಾ ಉಸ್ತುವಾರಿ ಸಚಿವ ಯು.ಟಿ. ಖಾದರ್‌ ಅವರು ಸೂಚನೆ ನೀಡಿದ್ದಾರೆ.ಈ ಕುರಿತಂತೆ ಉದಯವಾಣಿ ಪತ್ರಿಕೆಯು ಫೆ. 16ರ ಸಂಚಿಕೆಯಲ್ಲಿ “ಪಯಸ್ವಿನಿ ಆಳ ಕಣ್ಮರೆ: ಹೂಳು ತುಂಬಿ ಬರಿದು’ ವರದಿ ಪ್ರಕಟಿಸಿತ್ತು.

ಸಮಸ್ಯೆಯ ಗಂಭೀರತೆಯ ಬಗ್ಗೆ ಪ್ರತಿಕ್ರಿಯಿಸಿರುವ ಸಚಿವರು, ಹೂಳು ತೆಗೆಯುವ ಬಗ್ಗೆ ಇಲಾಖಾಧಿಕಾರಿಗಳು ಪರಿಶೀಲನೆ ನಡೆಸಬೇಕು, ಕೃಷಿ ಭೂಮಿಗೆ ನೀರೊದಗಿಸುವ ಅಗತ್ಯ ಇರುವ ಕಾರಣ ಸ್ಥಳಕ್ಕೆ ಭೇಟಿ ನೀಡಿ ವರದಿ ನೀಡಬೇಕು ಎಂದು ಅವರು ಸಹಾಯಕ ಆಯಕ್ತ ಕೃಷ್ಣಮೂರ್ತಿ ಅವರಿಗೆ ಸೂಚನೆ ನೀಡಿದರು.