ಪತಂಜಲಿv/s ಹಿಂದುಸ್ಥಾನ್‌ ಯೂನಿಲಿವರ್‌:ಸಾಬೂನು ಜಾಹೀರಾತಿಗೆ ತಡೆ

ಮುಂಬಯಿ:  ಬಾಬಾ ರಾಮದೇವ್‌ ಅವರ ಪತಂಜಲಿ ಆಯುರ್ವೇದ್‌ ಕಂಪೆನಿಯ  ಸಾಬೂನಿನ ಟಿವಿ ಜಾಹೀರಾತಿನ ಮೇಲೆ ಬಾಂಬೇ ಹೈಕೋರ್ಟ್‌ ತಡೆಯಾಜ್ಞೆ  ಹೇರಿದೆ. 

ಹಿಂದುಸ್ಥಾನ್‌ ಯೂನಿಲಿವರ್‌ ಸಂಸ್ಥೆಯು ಈ ಜಾಹೀರಾತಿನ ಮೇಲೆ ತಡೆಯಾಜ್ಞೆ  ಹೇರುವಂತೆ ಕೋರಿ ಬಾಂಬೇ ಹೈಕೋರ್ಟ್‌ನಲ್ಲಿ ಅರ್ಜಿ ಸಲ್ಲಿಸಿದೆ.  ಪತಂಜಲಿ  ಸಾಬೂನಿನ ಜಾಹೀರಾತಿನಲ್ಲಿ ಇತರ ಸಾಬೂನು ಉತ್ಪನ್ನಗಳನ್ನು ನೇರವಾಗಿ ಗುರಿ ಮಾಡಿಕೊಳ್ಳಲಾಗಿದೆ ಎಂದು  ಸಂಸ್ಥೆಯು ಅರ್ಜಿಯಲ್ಲಿ ಆರೋಪಿಸಿದೆ.

 ಬುಧವಾರ  ಈ ಅರ್ಜಿಯ ಮೇಲೆ ವಿಚಾರಣೆ ನಡೆಸಿರುವ ಹೈಕೋರ್ಟ್‌ ಮುಂದಿನ ವಿಚಾರಣೆ ವರೆಗೆ ಜಾಹೀರಾತಿಗೆ ತಡೆ ಹೇರುವಂತೆ ಪತಂಜಲಿ ಆಯುರ್ವೇದಕ್ಕೆ ಆದೇಶಿಸಿದೆ. ಸೆ. 18ರಂದು ಅರ್ಜಿಯ ಮುಂದಿನ ವಿಚಾರಣೆ ನಡೆಯಲಿದೆ.