ಹಾಟ್‌ಸ್ಟಾರ್‌ನಿಂದಲೂ ಪಾಸ್‌ವರ್ಡ್‌ಗೆ ಮಿತಿ?

ನವದೆಹಲಿ: ಇತ್ತೀಚೆಗೆ ನೆಟ್‌ಫ್ಲಿಕ್ಸ್‌ ಪಾಸ್‌ವರ್ಡ್‌ ಶೇರಿಂಗ್‌ ಆಯ್ಕೆಯ ಮೇಲೆ ಮಿತಿ ವಿಧಿಸಿತು. ಇದರ ಬೆನ್ನಲ್ಲೇ ಇದೀಗ, ದಿ ವಾಲ್ಟ್ ಡಿಸ್ನಿ ಕಂಪನಿಯ ಡಿಸ್ನಿ+ಹಾಟ್‌ಸ್ಟಾರ್‌, ಪಾಸ್‌ವರ್ಡ್‌ ಶೇರಿಂಗ್‌ ಆಯ್ಕೆಯ ಮೇಲೆ ಮಿತಿ ವಿಧಿಸಲಿದೆ.

ಭಾರತದಲ್ಲಿ ಪ್ರಸ್ತುತ ಡಿಸ್ನಿ+ಹಾಟ್‌ಸ್ಟಾರ್‌ ಗ್ರಾಹಕರು ಗರಿಷ್ಠ ಹತ್ತು ಡಿವೈಸ್‌ಗಳಿಗೆ ತಮ್ಮ ಪಾಸ್‌ವರ್ಡ್‌ ಶೇರ್‌ ಮಾಡಬಹುದಾಗಿದೆ. ಈ ಮಿತಿಯನ್ನು ಗರಿಷ್ಠ ನಾಲ್ಕಕ್ಕೆ ಇಳಿಸಲು ಕಂಪನಿ ಚಿಂತನೆ ನಡೆಸಿದ್ದು, ಈ ವರ್ಷದಲ್ಲೇ ಇದು ಜಾರಿಗೆ ಬರಲಿದೆ. ಭಾರತದಲ್ಲಿನ ಇತರೆ ಸ್ಟ್ರೀಮಿಂಗ್‌ ಸೇವೆಗಳಿಂದ ಡಿಸ್ನಿ+ಹಾಟ್‌ಸ್ಟಾರ್‌ ತೀವ್ರ ಪೈಪೋಟಿಯನ್ನು ಎದುರಿಸುತ್ತಿದೆ. ಜತೆಗೆ ತನ್ನ ಆದಾಯವನ್ನು ಹೆಚ್ಚಿಸಿಕೊಳ್ಳಲು ಈ ಪ್ರಯತ್ನವಾಗಿದೆ ಎಂದು ಮೂಲಗಳು ತಿಳಿಸಿವೆ.