Assault: ಪಾರ್ಕಿಂಗ್‌ ವಿವಾದ: ಹಲ್ಲೆ, ಜೀವ ಬೆದರಿಕೆ

ಉಡುಪಿ: ಪಾರ್ಕಿಂಗ್‌ ವಿಚಾರಕ್ಕೆ ಪರಸ್ಪರ ಹಲ್ಲೆ ನಡೆಸಿ ಜೀವ ಬೆದರಿಕೆ ಹಾಕಿದ ಘಟನೆ ನಡೆದಿದೆ.

ಮಟ್ಟುವಿನ ಪ್ರಶಾಂತ್‌ ಜೆ. ಕುಮಾರ್‌ ಅವರು ಸಂತೆಕಟ್ಟೆಯ ಮೆಡಿಕಲ್‌ ಎದುರು ಬೈಕ್‌ ನಿಲ್ಲಿಸುವಾಗ ಕಾರಿನಲ್ಲಿ ಬಂದ ವ್ಯಕ್ತಿ ಬೈಕ್‌ ಮುಂದಕ್ಕೆ ಇಡುವಂತೆ ತಿಳಿಸಿದ್ದಾನೆ. ಅದರಂತೆ ಅವರು ಮುಂದೆ ನಿಲ್ಲಿಸಿ ಮೆಡಿಕಲ್‌ಗೆ ತೆರಳಿ ಹಿಂದಕ್ಕೆ ಬಂದಾಗ ಆರೋಪಿ ಹಾಗೂ ಆತನ ಪತ್ನಿ ಪ್ರಶಾಂತ್‌ ಅವರನ್ನು ತಡೆದು ಯಾವುದೋ ಆಯುಧದಿಂದ ತಲೆಯ ಹಿಂಬದಿಗೆ ಹಲ್ಲೆ ಮಾಡಿ ಜೀವಬೆದರಿಕೆ ಹಾಕಿದ್ದಾರೆ ಎಂದು ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.