ಐಫೆಲ್‌ ಟವರ್‌ಗೆ ಬುಲೆಟ್‌ಪ್ರೂಫ್ ಗ್ಲಾಸ್‌ ರಕ್ಷಣೆ!

ಪ್ಯಾರಿಸ್‌: ಇಲ್ಲಿನ ವಿಶ್ವವಿಖ್ಯಾತ ಐಫೆಲ್‌ ಗೋಪುರಕ್ಕೂ ಭಯೋತ್ಪಾದಕರ ಭೀತಿ ತಪ್ಪಿಲ್ಲ. ಪರಿಣಾಮ ಗೋಪುರದ ಅಡಿಯಲ್ಲಿ ಸುಮಾರು 8 ಅಡಿ ಎತ್ತರಕ್ಕೆ ಸುತ್ತಲೂ ಗುಂಡು ನಿರೋಧಕ ಗಾಜು ಅಳವಡಿಸಲು ಪ್ಯಾರಿಸ್‌ ಆಡಳಿತ ಚಿಂತಿಸಿದೆ.

ಈ ಮೂಲಕ ಆತ್ಮಹತ್ಯಾ ಬಾಂಬರ್‌ಗಳು, ಅಥವಾ ಉಗ್ರರು ವಾಹನಗಳನ್ನು ಗೋಪುರದತ್ತ ನುಗ್ಗಿಸುವುದನ್ನು ತಡೆಯಲಿದೆ. ಈ ಗಾಜಿನ ಗೋಡೆಗೆ 143.8 ಕೋಟಿ ರೂ. ವೆಚ್ಚವಾಗಲಿದೆ.1,063 ಅಡಿ ಎತ್ತರವಿರುವ ಐಫೆಲ್‌ ಗೋಪುರ ಮಹತ್ವದ ಸ್ಮಾರಕವಾದ್ದರಿಂದ ಭದ್ರತೆಗೆ ಯೊಜಿಸಲಾಗಿದೆ. ಈ ಹಿಂದೆ ಯೂರೋ 2016 ಫ‌ುಟ್ಬಾಲ್‌ ಪಂದ್ಯಾಟದ ಸಂದರ್ಭ ಗೋಪುರ ಸುತ್ತಲೂ ಉಕ್ಕಿನ ಗೇಟುಗಳನ್ನು ಇಡಲಾಗಿತ್ತು.