Paris Olympics;16ರ ಬಾಲೆ ಬಾನ್‌ಗೆ ಶೂಟಿಂಗ್‌ ಚಿನ್ನ!

ಪ್ಯಾರಿಸ್‌: ದಕ್ಷಿಣ ಕೊರಿಯಾದ 16ರ ಬಾಲೆ ಬಾನ್‌ ಹ್ಯೊ ಜಿನ್‌ ವನಿತೆಯರ 10 ಮೀ. ಏರ್‌ ರೈಫ‌ಲ್‌ ಶೂಟಿಂಗ್‌ ಸ್ಪರ್ಧೆಯಲ್ಲಿ ಸ್ವರ್ಣದಿಂದ ಸಿಂಗಾರಗೊಂಡಿದ್ದಾರೆ. ಚೀನದ 17 ವರ್ಷದ ಹುವಾಂಗ್‌ ಯುಟಿಂಗ್‌ ಬೆಳ್ಳಿ ಹಾಗೂ ಸ್ವಿಜರ್ಲೆಂಡ್‌ನ‌ ಔಡ್ರೆ ಗೋಗ್ನಿಯಾಟ್‌ ಕಂಚು ಗೆದ್ದರು.
ಫೈನಲ್‌ನಲ್ಲಿ ಬಾನ್‌ ಹ್ಯೊ ಜಿನ್‌ ಮತ್ತು ಹುವಾಂಗ್‌ ಯುಟಿಂಗ್‌ ತಲಾ 251.8 ಅಂಕ ಗಳಿಸಿದರು. ಶೂಟ್‌ ಆಫ್ನಲ್ಲಿ ಬಾನ್‌ 10.4 ಹಾಗೂ ಯುಟಿಂಗ್‌ 10.3 ಅಂಕ ಗಳಿಸಿದರು.

ಇದು ಹುವಾಂಗ್‌ ಯುಟಿಂಗ್‌ ಗೆದ್ದ 2ನೇ ಪದಕ. ಶನಿವಾರ ಶೆಂಗ್‌ ಲಿಹಾವೊ ಜತೆಗೂಡಿ ಮಿಶ್ರ ತಂಡ ಸ್ಪರ್ಧೆಯಲ್ಲಿ ಬಂಗಾರ ಜಯಿಸಿದ್ದರು.