ಪನ್ವೇಲ್‌ ಕರ್ನಾಟಕ ಸಂಘದಲ್ಲಿ ಕನ್ನಡ ಕಲಿಕೆಗೆ ಅವಕಾಶ

ಪನ್ವೇಲ್‌: ಕನ್ನಡ ಬಾರದವರಿಗೆ, ಕನ್ನಡೇತರರಿಗೆ ಕನ್ನಡ ಕಲಿಸುವ ಯೋಜನೆಯನ್ನು ಪನ್ವೇಲ್‌ ಕರ್ನಾಟಕ ಸಂಘ ಹಮ್ಮಿಕೊಂಡಿದ್ದು ಆಸಕ್ತರು ತಕ್ಷಣ ಪನ್ವೇಲ್‌ ಕರ್ನಾಟಕ ಸಂಘವನ್ನು ಸಂಪರ್ಕಿಸಬಹುದಾಗಿದೆ.

ಮುಂಬಯಿ ವಿಶ್ವವಿದ್ಯಾಲಯದ ಮಾನ್ಯತೆ ಪಡೆದ ಕನ್ನಡ ಕಲಿಕಾ ಕೇಂದ್ರವಾಗಿ ಪನ್ವೇಲ್‌ ಕರ್ನಾಟಕ ಸಂಘ ಕೆಲಸ ಮಾಡುತ್ತಿದ್ದು, ಕಳೆದ ಸಾಲಿನಲ್ಲಿ 50ಕ್ಕೂ ಅಧಿಕ ವಿದ್ಯಾರ್ಥಿಗಳು ಯಶಸ್ವಿಯಾಗಿ ಕನ್ನಡವನ್ನು ಕಲಿತಿದ್ದಾರೆ. ಈ ವರ್ಷವೂ ವಿಶ್ವವಿದ್ಯಾಲಯದ ಕನ್ನಡ ಕಲಿಕಾ ಯೋಜನೆಯನ್ವಯ ಕನ್ನಡ ಕಲಿಕಾ ತರಬೇತಿಯು ಆಗಸ್ಟ್‌ 19ರಿಂದ ಆರಂಭಗೊಳ್ಳಲಿದೆ. ಆ. 14ರ ಒಳಗೆ  ಆಸಕ್ತರು ಪ್ರವೇಶವನ್ನು ಪಡೆಯಬಹುದಾಗಿದೆ. ಕನ್ನಡ ಕಲಿಕಾ ಕೇಂದ್ರದ ಸಂಚಾಲಕರಾದ ಉಮಾ ಕಲಾಧರ ಶೆಟ್ಟಿ (9969950293), ವಿದುಷಿ ಶ್ಯಾಮಲಾ ಪ್ರಕಾಶ್‌ ( 9930515123)  ಅವರನ್ನು ಸಂಪರ್ಕಿಸಬಹುದು ಎಂದು ಪ್ರಕಟನೆ ತಿಳಿಸಿದೆ.