ರಮಣ್‌ ಸಿಂಗ್‌ ರಾಜೀನಾಮೆ ಯಾವಾಗ?

ಜಗ್ಧಾಲ್‌ಪುರ: ಪನಾಮಾ ಪೇಪರ್‌ ಹಗರಣ ಸಂಬಂಧ ಪಾಕಿಸ್ಥಾನ ಪ್ರಧಾನಿ ನವಾಜ್‌ ಷರೀಫ್ ಹುದ್ದೆ ತ್ಯಜಿಸಿದರು. ಅವರಂತೆ ಛತ್ತೀಸ್‌ಗಢ ಮುಖ್ಯಮಂತ್ರಿ ರಮಣ್‌ ಸಿಂಗ್‌ ಕೂಡ ರಾಜೀನಾಮೆ ನೀಡಬೇಕು ಎಂದು ಕಾಂಗ್ರೆಸ್‌ ಉಪಾಧ್ಯಕ್ಷ ರಾಹುಲ್‌ ಗಾಂಧಿ ಒತ್ತಾಯಿಸಿದ್ದಾರೆ.

‘ಷರೀಫ್ ಮತ್ತು ಕುಟುಂಬದ ಹೆಸರು ಪನಾಮಾ ಹಗರಣದಲ್ಲಿ ಕೇಳಿಬಂದ ಬಳಿಕ ಷರೀಫ್ ರಾಜೀನಾಮೆ ನೀಡಿದ್ದಾರೆ. ಅಂತೆಯೇ ರಮಣ್‌ ಸಿಂಗ್‌ ಮತ್ತು ಅವರ ಕುಟುಂಬದವರ ಹೆಸರೂ ಈ ಹಗರಣದಲ್ಲಿ ಕೇಳಿ ಬಂದಿದೆ. ಅವರ ಮಗ ಅಭಿಷೇಕ್‌ ಕಡಲಾಚೆ ಆಸ್ತಿ ಹೊಂದಿದ್ದಾರೆ ಎಂದು ಪನಾಮಾ ಪೇಪರ್‌ ಹೇಳುತ್ತಿದೆ. ಆದರೂ ಅವರ ವಿರುದ್ಧ ಪ್ರಧಾನಿ ಮೋದಿ ಯಾವುದೇ ಕ್ರಮ ಜರಗಿಸಿಲ್ಲ. ಏಕೆಂದರೆ ಅವರು ಬಿಜೆಪಿ, ಆರೆಸ್ಸೆಸ್‌ಗೆ ಸೇರಿದವರು’ ಎಂದಿದ್ದಾರೆ ರಾಹುಲ್‌.