Badiyadka ಪಳ್ಳತ್ತಡ್ಕ ಅಪಘಾತ ಪ್ರಕರಣ: ಶಾಲಾ ಬಸ್‌ ಚಾಲಕನ ಸೆರೆ

ಬದಿಯಡ್ಕ: ಪಳ್ಳತ್ತಡ್ಕದಲ್ಲಿ ಶಾಲಾ ಬಸ್‌ ಢಿಕ್ಕಿ ಹೊಡೆದು ಆಟೋ ರಿಕ್ಷಾದಲ್ಲಿದ್ದ ಚಾಲಕ ಸಹಿತ ಐವರು ಸಾವಿಗೀಡಾದ ಪ್ರಕರಣಕ್ಕೆ ಸಂಬಂಧಿಸಿ ಬಸ್‌ ವಶಪಡಿಸಿಕೊಂಡ ಬದಿಯಡ್ಕ ಪೊಲೀಸರು ಬಸ್‌ ಚಾಲಕ ಕುಂಟಿಕಾನ ನಿವಾಸಿ ಜೋನ್‌ ಡಿ’ಸೋಜಾ ಆಲಿಯಾಸ್‌ ಜೆರಿ (56)ಯನ್ನು ಬಂಧಿಸಿದ್ದಾರೆ.

ಅಪಘಾತಕ್ಕೀಡಾದ ಆಟೋ ರಿಕ್ಷಾವನ್ನು ನಾಲ್ಕು ತಿಂಗಳ ಹಿಂದೆ ಮೂಲತಃ ಮೊಗ್ರಾಲ್‌ ನಿವಾಸಿ ತಾಯಲಂಗಾಡಿಯಲ್ಲಿ ವಾಸಿಸುವ ಎ.ಎಚ್‌.ಅಬ್ದುಲ್‌ ರೌಫ್‌ ಖರೀದಿಸಿದ್ದರು.