Palghar: ಮಹಾದಲ್ಲಿ ‘ನಾಪತ್ತೆ’ ಆಗಿದ್ದ ಶಿಂಧೆ ಶಿವಸೇನೆ ಶಾಸಕ ಮನೆಗೆ ವಾಪಸ್‌

ಪಾಲ್ಘರ್‌: ಮಹಾರಾಷ್ಟ್ರದ ಪಾಲ್ಘರ್‌ ಕ್ಷೇತ್ರವನ್ನು ಪ್ರತಿನಿಧಿಸುವ ಏಕನಾಥ ಶಿಂಧೆ ಬಣದ ಶಿವಸೇನೆ ಶಾಸಕ ಶ್ರೀನಿವಾಸ್‌ ವಂಗಾ ಮನೆಗೆ ಮರಳಿದ್ದಾರೆ.

ಶಿಂಧೆ ಬಣದ ಶಿವಸೇನೆ ವತಿಯಿಂದ ಸ್ಪರ್ಧಿಸಲು ಅವಕಾಶ ಸಿಗದೇ ಇದ್ದುದರಿಂದ ಅಸಮಾಧಾನಗೊಂಡಿದ್ದ ಅವರು ಸೋಮ ವಾರದಿಂದ ನಾಪತ್ತೆಯಾಗಿದ್ದರು ಎಂದು ಕುಟುಂಬ ಸದಸ್ಯರು ಹೇಳಿಕೊಂಡಿದ್ದರು. ಈ ಬಗ್ಗೆ ಅವರು ಪೊಲೀಸರಿಗೆ ದೂರು ನೀಡಿರಲಿಲ್ಲ. ಬುಧವಾರ ಅವರು ಮನೆಗೆ ವಾಸಪಾದ ಶಾಸಕ ‘ನನಗೆ ವಿಶ್ರಾಂತಿಯ ಅಗತ್ಯವಿದ್ದರಿಂದ ಮನೆ, ಇತರರಿಂದ ದೂರವಿರಲು ನಿರ್ಧರಿಸಿದ್ದೆ’ ಎಂದಿದ್ದಾರೆ. ಆದರೆ ದಿನ ಎಲ್ಲಿ ಇದ್ದುದಾಗಿ ಮಾತ್ರ ಬಾಯಿಬಿಟ್ಟಿಲ್ಲ.