ಟಾಸ್ ಗೆದ್ದ ಪಾಕ್ ಬ್ಯಾಟಿಂಗ್ ಆಯ್ಕೆ: ಶುರುವಾಯಿತು ಕ್ರಿಕೆಟ್ ಲೆಕ್ಕಾಚಾರ

ಲಾರ್ಡ್ಸ್: ವಿಶ್ವಕಪ್ ಸೆಮಿ ಫೈನಲ್ ಗೇರುವ ಸಣ್ಣ ಆಸೆಯೊಂದಿಗೆ ತನ್ನ ಕೊನೆಯ ಲೀಗ್ ಪಂದ್ಯವಾಡಲು ಕ್ರಿಕೆಟ್ ಕಾಶಿ ಲಾರ್ಡ್ಸ್ ನಲ್ಲಿ ಪಾಕಿಸ್ಥಾನ ಸಜ್ಜಾಗಿದೆ. ಬಾಂಗ್ಲಾದೇಶದ ವಿರುದ್ಧದ ಈ ಪಂದ್ಯದಲ್ಲಿ ಟಾಸ್ ಗೆದ್ದ ಪಾಕ್ ನಾಯಕ ಸರ್ಫರಾಜ್ ನಿರೀಕ್ಷೆಯಂತೆ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿದ್ದಾರೆ.

ಕೂಟದ ಉಪಾಂತ್ಯ ತಲುಪಲು ಪಾಕಿಸ್ಥಾನಕ್ಕೆ ಈ ಪಂದ್ಯವನ್ನು ಕೇವಲ ಗೆಲ್ಲುವುದರಿಂದ ಸಾಧ್ಯವಿಲ್ಲ . ದೊಡ್ಡ ಅಂತರದಿಂದ ಗೆದ್ದು ಕಿವಿಸ್ ಗಿಂತ ಉತ್ತಮ ರನ್ ರೇಟ್ ಪಡೆಯುವ ಅನಿವಾರ್ಯತೆಯಿದೆ. ಪಾಕ್ ಸೆಮಿಗೇರುವ ರನ್ ರೆಟ್ ಲೆಕ್ಕಾಚಾರ ಹೀಗಿದೆ.

* 350 ರನ್ ಗಳಿಸಿ ಬಾಂಗ್ಲಾವನ್ನು 39 ರನ್ ಗೆ ಆಲ್ ಔಟ್ ಮಾಡಬೇಕು.
* 400 ರನ್ ಗಳಿಸಿ ಬಾಂಗ್ಲಾವನ್ನು 84 ರನ್ ಗೆ ಆಲ್ ಔಟ್ ಮಾಡಬೇಕು.
* 450 ರನ್ ಗಳಿಸಿ ಬಾಂಗ್ಲಾವನ್ನು 129 ರನ್ ಗಳಿಗೆ ಔಟ್ ಮಾಡಬೇಕು.
* ಒಂದು ವೇಳೆ 500 ರನ್ ಗಳಿಸಿದರೆ ಬಾಂಗ್ಲಾವನ್ನು 175 ರನ್ ಒಳಗೆ ಕಟ್ಟಿಹಾಕಬೇಕು.

ಪಾಕ್ ನಾಯಕ ಸರ್ಫರಾಜ್ 500 ರನ್ ಗಳಿಸುವ ವಿಶ್ವಾಸ ಹೊಂದಿದ್ದಾರೆ. ಹೀಗೊಂದು ವೇಳೆ ಅದು ಕ್ರಿಕೆಟ್ ಲೋಕದ ಮಹಾ ಪವಾಡವೇ ಆಗಬಹುದು.