Advertisement

ಭಾರತದ ವಿರುದ್ಧ ಪಾಕಿಸ್ಥಾನಕ್ಕೆ ಭಯೋತ್ಪಾದನೆ ಒಂದು ಅಸ್ತ್ರ : ಮಾಜಿ CIA ನಿರ್ದೇಶಕ

09:47 AM May 04, 2019 | Team Udayavani |

ವಾಷಿಂಗ್ಟನ್‌ : ಭಾರತದಿಂದ ತನ್ನ ಅಸ್ತಿತ್ವಕ್ಕೇ ಧಕ್ಕೆ ಇದೆ ಎಂಬ ಹುಚ್ಚು ಭಯದಲ್ಲಿ ಪಾಕಿಸ್ಥಾನ ಭಾರತದ ವಿರುದ್ಧ ಹೋರಾಡಲು ಭಯೋತ್ಪಾದಕ ಸಮೂಹಗಳನ್ನು ಸೃಷ್ಟಿಸಿ ಅವುಗಳನ್ನು ಒಂದು ಉಪಕರಣವಾಗಿ ಬಳಸಿಕೊಳ್ಳುತ್ತಿದೆ ಎಂದು ಅಮೆರಿಕದ ಮಾಜಿ ಪ್ರಭಾರ ಸಿಐಎ ನಿರ್ದೇಶಕ ಮೈಕೆಲ್‌ ಮೊರೆಲ್‌ ಹೇಳಿದ್ದಾರೆ.

Advertisement

ಕರ್ಟ್‌ ಕ್ಯಾಂಬೆಲ್‌ ಮತ್ತು ರಿಚ್‌ ವರ್ಮಾ ಜತೆಗೆ ಪಾಡ್‌ಕಾಸ್ಟ್‌ ಚರ್ಚೆಯಲ್ಲಿ ಪಾಲ್ಗೊಂಡ ಮೊರೆಲ್‌ ಅವರು ಪಾಕಿಸ್ಥಾನವು ವಿಶ್ವದಲ್ಲೇ ಅತ್ಯಂತ ಅಪಾಯಕಾರಿ ದೇಶಗಳಲ್ಲಿ ಒಂದಾಗಿದೆ ಎಂದು ಹೇಳಿದರು.

ಪಾಕಿಸ್ಥಾನ ತಿಳಿಯದ ಒಂದು ಸಂಗತಿ ಎಂದರೆ ತಾನೇ ಸೃಷ್ಟಿಸಿದ ಭಯೋತ್ಪಾದಕ ಸಮೂಹಗಳನ್ನು ತನ್ನ ನಿಯಂತ್ರಣದಲ್ಲಿ ಇರಿಸಿಕೊಳ್ಳುವುದು ಅಸಾಧ್ಯ ಎಂಬುದಾಗಿದೆ. ಹಾಗೆಯೇ ಅವು ಮರಳಿ ತನ್ನ ಸೃಷ್ಟಿಕರ್ತನನ್ನೇ ಕಚ್ಚುತ್ತವೆ. ಪಾಕಿಸ್ಥಾನ ಮುಂದೊಂದು ದಿನ ವಿಶ್ವದಲ್ಲೇ ಅತ್ಯಂತ ಅಪಾಯಕಾರಿ ದೇಶವಾಗಿ ಮಾರ್ಪಡುವುದು ಖಚಿತ ಎಂಬ ಅಭಿಪ್ರಾಯ ನನ್ನದಾಗಿದೆ ಎಂದು ಮೊರೆಲ್‌ ಹೇಳಿದರು.

ಕ್ಯಾಂಬೆಲ್‌ ಅವರು ಅಮೆರಿಕದ ಪೂರ್ವ ಏಶ್ಯನ್‌ ವ್ಯವಹಾರಗಳ ಮಾಜಿ ವಿದೇಶಾಂಗ ಸಚಿವರು ಮತ್ತು ರಿಚ್‌ ವರ್ಮಾ ಅವರು ಅವರು ಭಾರತದಲ್ಲಿ ಈ ಹಿಂದೆ ಕರ್ತವ್ಯ ನಿರ್ವಹಿಸಿದ್ದ ಮಾಜಿ ಅಮೆರಿಕನ್‌ ರಾಯಭಾರಿಯಾಗಿದ್ದಾರೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next