ಹಣಕ್ಕೆ ಅಮೆರಿಕದ ಬಳಿ ಗೋಗರೆದ ಪಾಕಿಸ್ಥಾನ

ಇಸ್ಲಾಮಾಬಾದ್‌: ಆರ್ಥಿಕ ಕುಸಿತದಿಂದ ದಿವಾಳಿ ಯಂಚಿನಲ್ಲಿರುವ ಪಾಕಿಸ್ಥಾನ ಅನ್ಯದೇಶಗಳೊಂದಿಗೆ ಹಣಕ್ಕಾಗಿ ಗೋಗರೆಯುವುದನ್ನು ಮುಂದುವರಿಸಿದೆ. ಅಮೆರಿಕದ ವಿದೇಶಾಂಗ ಸಚಿವ ಆ್ಯಂಟೆನ್‌ ಬ್ಲಿಂಕೆನ್‌ರೊಂದಿಗೆ ಪಾಕ್‌ ವಿದೇಶಾಂಗ ಸಚಿವ ಬಿಲಾವಲ್‌ ಭುಟ್ಟೊ ದೂರವಾಣಿ ಮೂಲಕ ಮಾತುಕತೆ ನಡೆಸಿ, ನೆರವು ನೀಡಿ ಬೇಡಿಕೊಂಡಿದ್ದಾರೆ. ಇದೇ ವೇಳೆ ಇಬ್ಬರೂ ಮುಖಂಡರು, ಅಫ್ಘಾನಿಸ್ಥಾನವೂ ಸೇರಿ ಕೆಲವು ಸ್ಥಳೀಯ ಸಂಗತಿಗಳ ಕುರಿತು ಪರಸ್ಪರ ಮಾತುಕತೆ ನಡೆಸಿದ್ದಾರೆ. ಪರಸ್ಪರ ಸಂಬಂಧಗಳನ್ನು ಹೆಚ್ಚಿಸಿ, ಶಾಂತಿ- ಅಭಿವೃದ್ಧಿಗಾಗಿ ಒಟ್ಟಿಗೆ ಶ್ರಮಿಸಲು ಒಪ್ಪಿಕೊಂಡಿದ್ದಾರೆ ಎಂದು ಪಾಕ್‌ ಮೂಲಗಳು ಹೇಳಿವೆ.

ಈ ಬಗ್ಗೆ ಟ್ವೀಟ್‌ ಮಾಡಿರುವ ಬ್ಲಿಂಕೆನ್‌ ಸ್ಪಷ್ಟವಾಗಿ ಏನು ಮಾತುಕತೆ ನಡೆಯಿತು ಎಂಬ ಸುಳಿವು ನೀಡಿ ದ್ದಾರೆ. “ನಾವು ಉತ್ಪಾದನಾಶೀಲವಾದ, ಪ್ರಜಾ ಪ್ರಭುತ್ವದ ಹಾದಿಯಲ್ಲಿರುವ, ಸಮೃದ್ಧ ಪಾಕಿಸ್ಥಾನಕ್ಕೆ ಬೆಂಬಲ ನೀಡುತ್ತೇವೆ. ಪಾಕಿಸ್ಥಾನದ ಆರ್ಥಿಕ ಚೇತರಿಕೆ ನಮ್ಮ ಅಗ್ರ ಆದ್ಯತೆ. ಆ ದೇಶದ ಆರ್ಥಿಕ ಪರಿಸ್ಥಿತಿಯ ಸುಧಾರಣೆಯ ಬಗ್ಗೆಯೂ ಮಾತುಕತೆ ನಡೆಸಿದ್ದೇವೆ’ ಎಂದು ಬ್ಲಿಂಕೆನ್‌ ಹೇಳಿಕೊಂಡಿದ್ದಾರೆ.

ಪ್ರಸ್ತುತ ಪಾಕಿಸ್ಥಾನದಲ್ಲಿ ಭಯೋತ್ಪಾದನೆ ಹೆಚ್ಚಾಗಿದೆ, ರಾಜಕೀಯ ಅಸ್ಥಿರತೆಯಿದೆ, ಬೆಲೆಗಳು ವಿಪರೀತ ಏರಿಕೆಯಾಗಿರುವುದರಿಂದ ಆರ್ಥಿ ಕವಾ ಗಿಯಂತೂ ಪರಿಸ್ಥಿತಿ ದುಸ್ತರವಾಗಿದೆ. ಅದು ಐಎಂ ಎಫ್ನಿಂದ ಸಾಲ ಕೇಳಿದ್ದರೂ ಅದಿನ್ನೂ ಕೈಸೇರಿಲ್ಲ. ಈ ನಡುವೆ ಚೀನದ ಬಳಿಯೂ ನೆರವಿಗಾಗಿ ಯಾಚನೆ ಮಾಡಿದೆ.

ಪಾಕಿಸ್ಥಾನಿಯರು ಭಿಕ್ಷಾಪಾತ್ರೆ ಎಸೆಯಬೇಕು!
ಒಂದು ಕಡೆ ಚೀನ, ಅಮೆರಿಕ, ಐಎಂಎಫ್ ಬಳಿ ಹಣ ಕೊಡಿ ಎಂದು ಪಾಕ್‌ ಪ್ರಧಾನಿ ಶೆಹಬಾಜ್‌ ಶರೀಫ್ ಅಲೆಯುತ್ತಿದ್ದಾರೆ. ಇನ್ನೊಂದು ಕಡೆ ಪಾಕ್‌ ಸೇನಾಪಡೆಗಳ ಮುಖ್ಯಸ್ಥ ಸೈಯದ್‌ ಆಸಿಮ್‌ ಮುನೀರ್‌ ಮಾತನಾಡಿ ಪ್ರತೀ ಪಾಕಿ ಸ್ಥಾನಿಯರು ಭಿಕ್ಷಾಪಾತ್ರೆಯನ್ನು ಎಸೆಯಬೇಕು. ಸ್ವಾವಲಂಬಿಗಳಾಗಬೇಕು. ಪಾಕಿಸ್ಥಾನವು ಹೆಮ್ಮೆಯನ್ನು ಹೊಂದಿರುವ, ಪ್ರತಿಭಾವಂತರಿ ರುವ ದೇಶ ಎಂದು ವರ್ಣಿಸಿದ್ದಾರೆ. ಶೆಹಬಾಜ್‌ ನೆರವಿಗಾಗಿ ಅಂಗಾಲಾಚುತ್ತಿರುವ ನಡುವೆಯೇ ಮುನೀರ್‌ ನೀಡಿರುವ ಹೇಳಿಕೆ ಗಮನ ಸೆಳೆದಿದೆ.