ಪಾಕ್‌ ಆಹ್ವಾನ ತಿರಸ್ಕೃತ

ಇಸ್ಲಾಮಾಬಾದ್‌: ಪಾಕ್‌ನಲ್ಲಿ ಮುಂದಿನ ವಾರ ಕರ್ತಾರ್ಪುರ ಕಾರಿಡಾರ್‌ಗೆ ಶಿಲಾನ್ಯಾಸ ಕಾರ್ಯಕ್ರಮ ನಡೆಯಲಿದ್ದು, ಪಾಕಿಸ್ಥಾನ ಸರಕಾರ ಕಳುಹಿಸಿದ್ದ ಆಹ್ವಾನವನ್ನು ಪಂಜಾಬ್‌ ಸಿಎಂ ಅಮರೀಂದರ್‌ ಸಿಂಗ್‌ ತಿರಸ್ಕರಿಸಿದ್ದಾರೆ. ರಾಜ್ಯದಲ್ಲಿನ ಉಗ್ರರ ದಾಳಿ ಮತ್ತು ಗಡಿಯಲ್ಲಿ ಯೋಧರ ಹತ್ಯೆ ಹಿನ್ನೆಲೆಯಲ್ಲಿ ಅವರು ಈ ನಿರ್ಧಾರ ಕೈಗೊಂಡಿದ್ದಾರೆ. ಆದರೆ, ಸಚಿವ ನವಜೋತ್‌ ಸಿಂಗ್‌ ಸಿಧು ಅವರು ಪಾಕ್‌ಗೆ ತೆರಳಲು ಉತ್ಸುಕರಾಗಿದ್ದು, ವಿದೇಶಾಂಗ ಇಲಾಖೆಯ ಅನುಮತಿಗಾಗಿ ಕಾಯುತ್ತಿದ್ದಾರೆ. ಇದೇ ವೇಳೆ, ಸಚಿವರಾದ ಹರ್‌ಸಿಮ್ರತ್‌ ಕೌರ್‌ ಮತ್ತು ಹರ್ದೀಪ್‌ಸಿಂಗ್‌ ಪುರಿ ಅವರನ್ನು ಕಾರ್ಯಕ್ರಮಕ್ಕೆ ಕಳುಹಿಸಲು ಒಪ್ಪಿದ ಭಾರತಕ್ಕೆ ಪಾಕ್‌ ಧನ್ಯವಾದ ಸಲ್ಲಿಸಿದೆ.