ಮೈಕ್ರೋಸಾಫ್ಟ್ ಸಹ ಸಂಸ್ಥಾಪಕ ಬಿಲ್‌ ಗೇಟ್ಸ್‌ಗೆ ಪಾಕ್‌ ಪ್ರಶಸ್ತಿ

ಇಸ್ಲಾಮಾಬಾದ್‌: ಮೈಕ್ರೋಸಾಫ್ಟ್ ಸಹ ಸಂಸ್ಥಾಪಕ ಬಿಲ್‌ ಗೇಟ್ಸ್‌ ಅವರಿಗೆ ಪಾಕಿಸ್ತಾನವು ದೇಶದ 2ನೇ ಅತ್ಯುನ್ನತ ಪ್ರಶಸ್ತಿಯಾದ ಹಿಲಾಲ್‌-ಇ-ಪಾಕಿಸ್ತಾನ ಪ್ರಶಸ್ತಿ ಕೊಟ್ಟು ಗೌರವಿಸಿದೆ.

ಪಾಕ್‌ನ ರಾಷ್ಟ್ರಪತಿ ಭವನದಲ್ಲಿ ಗುರುವಾರ ನಡೆದ ಕಾರ್ಯಕ್ರಮದಲ್ಲಿ ರಾಷ್ಟ್ರಪತಿಗಳಾದ ಆರಿಫ್ ಅಲ್ವಿ ಅವರು ಬಿಲ್‌ ಗೇಟ್ಸ್‌ಗೆ ಪ್ರಶಸ್ತಿ ಪ್ರದಾನ ಮಾಡಿದ್ದಾರೆ.

ನಂತರ ಪ್ರಧಾನಿ ಇಮ್ರಾನ್‌ ಖಾನ್‌ ಅವರ ಜೊತೆ ಬಿಲ್‌ ಗೇಟ್ಸ್‌ ಸಭೆ ನಡೆಸಿದ್ದಾರೆ.

“ಪೋಲಿಯೋ ಎಂಡಮಿಕ್‌ ದೇಶವಾಗಿರುವ ಅಫ್ಘಾನಿಸ್ತಾನ ಮತ್ತು ಪಾಕಿಸ್ತಾನದ ಪೈಕಿ, ಪಾಕಿಸ್ತಾನದಲ್ಲಿ ಅತಿ ಶೀಘ್ರವೇ ಪೋಲಿಯೋ ಕೊನೆಯಾಗಲಿದೆ.

ಆ ಕಾಯಿಲೆಯನ್ನು ನಿಯಂತ್ರಿಸಲು ಪಾಕ್‌ ಪ್ರಯತ್ನವು ಸ್ಫೂರ್ತಿದಾಯಕ’ ಎಂದು ಬಿಲ್‌ ಗೇಟ್ಸ್‌ ತಿಳಿಸಿದ್ದಾರೆ.