ಬದುಕಿದ್ದಾಗಲೇ ಉಮ್ಮರ್‌ ಅಕ್ಮಲ್‌ಗೆ ಸತ್ತ ಸುದ್ದಿ!

ಕರಾಚಿ: “ಪಾಕಿಸ್ಥಾನ ಕ್ರಿಕೆಟಿಗ ಉಮ್ಮರ್‌ ಅಕ್ಮಲ್‌ ಸತ್ತು ಹೋಗಿದ್ದಾರೆ’-ಹೀಗೊಂದು ಫೋಟೋ ಸಹಿತ ಸುದ್ದಿ ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟವಾಗಿದೆ. ಎಲ್ಲೆಲ್ಲೂ ಶೇರ್‌ ಆಗಿದೆ. ಈ ವಿಷಯ ಪ್ರಕಟವಾಗುತ್ತಿದ್ದಂತೆ ಉಮ್ಮರ್‌ ಅಕ್ಮಲ್‌ ತೀವ್ರ ಆಘಾತಕ್ಕೆ ಒಳಗಾಗಿದ್ದಾರೆ. ನಾನು ಸತ್ತಿಲ್ಲ ಇನ್ನೂ ಬದುಕ್ಕಿದ್ದೇನೆ ಎಂದು ಟ್ವಿಟರ್‌ನಲ್ಲಿ ಪ್ರಕಟಿಸಿದ್ದಾರೆ. ಯಾರೋ ಸುಳ್ಳು ಸುದ್ದಿ ಹಬ್ಬಿಸಿದ್ದಾರೆ. ವದಂತಿಗಳಿಗೆ ಎಡೆಮಾಡಿಕೊಡಬೇಡಿ ಎಂದು ಮನವಿ ಮಾಡಿಕೊಂಡಿದ್ದಾರೆ.

ಉಮ್ಮರ್‌ ಅಕ್ಮಲ್‌ ಹೋಲುವ ವ್ಯಕ್ತಿಯೊರ್ವ  ಇಸ್ಲಾಮಾಬಾದ್‌ನಲ್ಲಿ ಸತ್ತು ಹೋಗಿದ್ದ.  ಇದನ್ನು ಯಾರೋ ದುಷ್ಕರ್ಮಿಗಳು ಉಮ್ಮರ್‌ ಅಕ್ಮಲ್‌ ಎಂದೇ ಸಾಮಾಜಿಕ ಜಾಲತಾಣದಲ್ಲಿ ಟ್ವೀಟ್‌ ಮಾಡಿದ್ದಾರೆ. ಇದು ನಿಜ ಎಂದು ನಂಬಿದ ಕೆಲವರು ತೀವ್ರ ಸಂತಾಪ ಕೂಡ ವ್ಯಕ್ತಪಡಿಸಿದ್ದಾರೆ. ಉಮ್ಮರ್‌ ಸದ್ಯ ರಾಷ್ಟ್ರೀಯ ತಂಡದಿಂದ ಹೊರಗಿದ್ದಾರೆ. ಇವರು ತಂಡದ ಕೋಚ್‌ ಮಿಕ್ಕಿ ಆರ್ಥರ್‌ ಜತೆ ವಿವಾದ ಮಾಡಿಕೊಂಡಿದ್ದರು.