Test ನಿಧಾನಗತಿಯ ಬೌಲಿಂಗ್‌ ಪಾಕ್‌, ಬಾಂಗ್ಲಾಕ್ಕೆ ಅಂಕ ಕಡಿತ

ರಾವಲ್ಪಿಂಡಿ: ಇಲ್ಲಿ ನಡೆದ ಮೊದಲ ಟೆಸ್ಟ್‌ ಪಂದ್ಯದ ವೇಳೆ ನಿಧಾನಗತಿಯ ಬೌಲಿಂಗ್‌ ನಡೆಸಿದ ಕಾರಣಕ್ಕಾಗಿ ಪಾಕಿಸ್ಥಾನ ಮತ್ತು ಬಾಂಗ್ಲಾದೇಶಕ್ಕೆ ವಿಶ್ವ ಟೆಸ್ಟ್‌ ಚಾಂಪಿಯನ್‌ಶಿಪ್‌ (ಡಬ್ಲ್ಯುಟಿಸಿ) ಅಂಕ ಕಡಿತದ ದಂಡ ವಿಧಿಸಲಾಗಿದೆ. ಈ ಪಂದ್ಯದಲ್ಲಿ ಬಾಂಗ್ಲಾದೇಶವು ಐತಿಹಾಸಿಕ ಗೆಲುವು ದಾಖಲಿಸಿತ್ತು.

ಪಾಕಿಸ್ಥಾನವು ನಿಗದಿತ ಸಮಯದ ಒಳಗೆ ಆರು ಓವರ್‌ ಕಡಿಮೆ ಎಸೆದಿತ್ತು. ಈ ಕಾರಣಕ್ಕಾಗಿ ಆರು ಅಂಕ ಕಡಿತ ಮತ್ತು ಪಂದ್ಯ ಮೊತ್ತದ ಶೇಕಡಾ 30ರಷ್ಟು ದಂಡ ವಿಧಸಲಾಗಿದೆ. ಇದೇ ವೇಳೆ ಮೂರು ಓವರ್‌ ಕಡಿಮೆ ಎಸೆದ ಬಾಂಗ್ಲಾದೇಶಕ್ಕೆ ಮೂರಂಕ ಕಡಿತ ಮತ್ತು ಶೇಕಡಾ 15ರಷ್ಟು ಪಂದ್ಯ ಮೊತ್ತದ ದಂಡ ವಿಧಿಸಲಾಗಿದೆ.