ದಿಲ್ಲಿ: ಪಾಕ್‌ ಹೈಕಮಿಶನ್‌ ಸಿಬಂದಿ ಕಾರು ಅಪಘಾತ, ಆಸ್ಪತ್ರೆಗೆ

ಹೊಸದಿಲ್ಲಿ : ಪಾಕ್‌ ಹೈಕಮಿಶನ್‌ ಸಿಬಂದಿ ಇದ್ದ  ಕಾರು ಇಂದು ಬೆಳಗ್ಗೆ ದಿಲ್ಲಿ ವಿಶ್ವವಿದ್ಯಾಲಯದ ದಕ್ಷಿಣ ಕ್ಯಾಂಪಸ್‌ ಪ್ರದೇಶದಲ್ಲಿ ಬಸ್ಸೊಂದಕ್ಕೆ ಢಿಕ್ಕಿ ಹೊಡೆದ ಕಾರಣ ಅವರು ಗಾಯಗೊಂಡು ಆಸ್ಪತ್ರೆಗೆ ದಾಖಲಾದ ಘಟನೆ ವರದಿಯಾಗಿದೆ.

45ರ ಹರೆಯದ ರಾವ್‌ ಮೊಹಮ್ಮದ್‌ ಅನ್ವರ್‌ ಪ್ರಯಾಣಿಸುತ್ತಿದ್ದ ಕಾರು ಹರಿಯಾಣ ರೋಡ್‌ ವೇಸ್‌ ಬಸ್ಸಿಗೆ ಢಿಕ್ಕಿ ಹೊಡೆಯಿತು. ಅನ್ವರ್‌ ಅವರು ಸದ್ಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. 

ಪೊಲೀಸರು ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.