ಬ್ಯಾಟ್‌ ಪಡೆ ಜತೆ ಚಕಮಕಿ: ಇಬ್ಬರು ಯೋಧರು ಹುತಾತ್ಮ

ಶ್ರೀನಗರ: ಜಮ್ಮು-ಕಾಶ್ಮೀರದ ಪೂಂಛ… ವಲಯದಲ್ಲಿ ಪಾಕಿಸ್ತಾನದ ಗಡಿ ಕ್ರಿಯಾ ಪಡೆ(ಬ್ಯಾಟ್‌) ಭಾರತದೊಳಕ್ಕೆ ನುಗ್ಗಿದ್ದು, ನುಸುಳುಕೋರರು ಮತ್ತು ಭಾರತೀಯ ಸೇನೆ ನಡುವೆ ನಡೆದ ಗುಂಡಿನ ಚಕಮಕಿಯಲ್ಲಿ ಇಬ್ಬರು ಯೋಧರು ಹುತಾತ್ಮರಾಗಿದ್ದಾರೆ.

ಇದೇ ವೇಳೆ, ಭಾರತೀಯ ಪಡೆಯ ಪ್ರತಿದಾಳಿಗೆ ಒಬ್ಬ ನುಸುಳುಕೋರ ಬಲಿಯಾ ಗಿದ್ದು, ಮತ್ತೂಬ್ಬ ಪರಾರಿಯಾಗಿದ್ದಾನೆ ಎಂದು ಸೇನೆ ತಿಳಿಸಿದೆ. ಬ್ಯಾಟ್‌ ತಂಡವು ಗಡಿ ನಿಯಂತ್ರಣ ರೇಖೆಯಿಂದ 600 ಮೀ. ಒಳಕ್ಕೆ ಬಂದಿದ್ದು, ಸೇನಾ ನೆಲೆಯಿಂದ ಕೇವಲ 200 ಮೀ. ದೂರದಲ್ಲಿತ್ತು ಎಂದು ಸೇನೆ ಮಾಹಿತಿ ನೀಡಿದೆ. ಇದಕ್ಕೂ ಮುನ್ನ ಪುಲ್ವಾಮಾದಲ್ಲಿ ಮೂವರು ಲಷ್ಕರ್‌ ಉಗ್ರರನ್ನು ಸೇನೆ ಹತ್ಯೆಗೈದಿದೆ. ಸತತ 6 ಗಂಟೆ ಕಾರ್ಯಾ ಚರಣೆ ನಡೆಸಿ, ಅವರನ್ನು ಸದೆಬಡಿಯಲಾಗಿದೆ.