ಪಂಜಾಬ್ ಗಡಿ ಭಾಗದಲ್ಲಿ ಪಾಕಿಸ್ಥಾನ ಡ್ರೋನ್ ಪತ್ತೆ: ಬಿಗು ಭದ್ರತೆ

ಫಿರೋಜ್ ಪುರ: ಭಾರತ- ಪಾಕಿಸ್ಥಾನ ಗಡಿಭಾಗದ ಪಂಜಾಬ್ ರಾಜ್ಯದ ಫೀರೋಜ್ ಪುರದಲ್ಲಿ ಪಾಕಿಸ್ಥಾನದ ಡ್ರೋನ್ ಒಂದು ಹಾರಾಡಿದ ಬಗ್ಗೆ ವರದಿಯಾಗಿದೆ.

ಸೋಮವಾರ ರಾತ್ರಿ ಸುಮಾರು 8.40ರ ಸುಮಾರಿಗೆ ಈ ಪಾಕಿಸ್ಥಾನದ ಈ ಡ್ರೊನ್ ಹಾರಾಡಿದೆ. ಭಾರತೀಯ ಏರ್ ಸ್ಪೇಸ್ ನ ತೆಂಡಿವಾಲಾ ಗ್ರಾಮದಲ್ಲಿ ಹಾರಾಡಿದೆ ಎಂದು ವರದಿಯಾಗಿದೆ.

ಸುಮಾರು ನಾಲ್ಕರಿಂದ ಐದು ನಿಮಿಷದವರೆಗೆ ಡ್ರೋನ್ ಹಾರಾಡಿದೆ. ಬಿಎಸ್ ಎಫ್ ಯೋಧರು ಅದನ್ನು ಗುಂಡಿಕ್ಕಿ ಹೊಡೆಯುವ ಪ್ರಯತ್ನ ನಡೆಸಿದ್ದು, ಆದರೆ ಅದರಲ್ಲಿ ಸಫಲರಾಗಿಲ್ಲ. ನಂತರ ಡ್ರೋನ್ ಕಾಣಿಸಿಕೊಂಡಿಲ್ಲ ಎನ್ನಲಾಗಿದೆ.

ಘಟನಾ ಸ್ಥಳದಲ್ಲಿ ಭದ್ರತೆ ಹೆಚ್ಚಿಸಲಾಗಿದೆ.