30 ಭಾರತೀಯ ಬೆಸ್ತರ ಬಂಧಿಸಿದ ಪಾಕ್‌

ಅಹಮದಾಬಾದ್‌: ಅರಬ್ಬೀ ಸಮುದ್ರದಲ್ಲಿ ಜಲಗಡಿ ದಾಟಿ ಹೋಗಿದ್ದ ಗುಜರಾತ್‌ನ 30 ಮೀನುಗಾರರನ್ನು ಸೋಮವಾರ ಪಾಕಿಸ್ಥಾನದ ನೌಕಾ ಭದ್ರತಾ ಸಂಸ್ಥೆ ಬಂಧಿಸಿದೆ. ಜತೆಗೆ, 6 ದೋಣಿಗಳನ್ನೂ ವಶಕ್ಕೆ ಪಡೆದಿದೆ ಎಂದು ಪೋರಬಂದರ್‌ ಮೂಲದ ರಾಷ್ಟ್ರೀಯ ಮೀನುಗಾರರ ವೇದಿಕೆ(ಎನ್‌ಎಫ್ಎಫ್)ಯ ಅಧಿಕಾರಿಗಳು ತಿಳಿಸಿದ್ದಾರೆ. 6 ದೋಣಿಗಳಲ್ಲಿ ತೆರಳುತ್ತಿದ್ದ 30 ಬೆಸ್ತರು ಮೀನುಗಾರಿಕೆ ಮಾಡುತ್ತಾ ಸಾಗಿ, ಪಾಕಿಸ್ಥಾನದ ಜಲ ಗಡಿ ಪ್ರವೇಶಿಸಿದ್ದರು ಎಂದು ಪಾಕ್‌ ಆರೋಪಿಸಿದೆ. ಇತ್ತೀಚೆಗಷ್ಟೇ ಪಾಕಿಸ್ಥಾನವು ಸದ್ಭಾವನೆಯ ಸೂಚಕವಾಗಿ 200ಕ್ಕೂ ಹೆಚ್ಚು ಭಾರತೀಯ ಮೀನುಗಾರರನ್ನು ಬಿಡುಗಡೆ ಮಾಡಿತ್ತು.