ಪರಭಕ್ಷಕಗಳಿಂದ ಹಸುಗಳ ಪ್ರಾಣ ರಕ್ಷಿಸುವ ಕೃತಕ ಕಣ್ಣುಗಳು!

ಸಿಡ್ನಿ: ಅರಣ್ಯಪ್ರದೇಶದಂಚಿನ ಹಳ್ಳಿಗಳ ಹಸುಗಳಿಗೆ ಹುಲಿ, ಚಿರತೆ, ನಾಯಿಗಳ ದಾಳಿ ಭಯ ಇದ್ದೇ ಇರುತ್ತೆ. ಜಾನುವಾರುಗಳನ್ನು ಇಂಥ ಪರಭಕ್ಷಕಗಳಿಂದ ರಕ್ಷಿಸಲು ಸಂಶೋಧಕರು ವಿಭಿನ್ನ ಮಾರ್ಗ ಕಂಡುಕೊಂಡಿದ್ದಾರೆ. ಹಸುಗಳ ಹಿಂಭಾಗದಲ್ಲಿ ಬಣ್ಣದ ಕಣ್ಣುಗಳನ್ನು ಬಿಡಿಸಿ, ಜೀವರಕ್ಷಣೆ ನೀಡುವ ತಂತ್ರ ಪರಿಚಯಿಸಿದ್ದಾರೆ.

“ಇಂಥ ಕೃತಕ ಕಣ್ಣುಗಳು ಹಸುಗಳನ್ನು ಪ್ರಾಣಾಪಾಯದಿಂದ ರಕ್ಷಿಸಿವೆ’ ಎನ್ನುತ್ತಾರೆ, ನ್ಯೂಸೌತ್‌ ವಿವಿ ತಜ್ಞರ ತಂಡ. ಆಸ್ಟ್ರೇಲಿಯಾದ ಉತ್ತರ ಬೋಸ್ಟಾನಾದಲ್ಲಿ ಈ ಸಂಬಂಧ ಸಂಶೋಧನೆ ಕೈಗೊಳ್ಳಲಾಗಿತ್ತು. 14 ವಿಭಿನ್ನ ಜಾನುವಾರು ತಳಿಗಳನ್ನು ಪ್ರಯೋಗಕ್ಕೆ ಬಳಸಿಕೊಳ್ಳಲಾಗಿತ್ತು. ಕೃತಕ ಕಣ್ಣುಗುಡ್ಡೆಗಳ ರಚನೆಯ ಹಚ್ಚೆ ಹಾಕಿಸಿ ಕೊಂಡ ಹಸುಗಳನ್ನು ಕಂಡ ಸಿಂಹ, ಚಿರತೆ, ನಾಯಿಗಳ ವರ್ತನೆ ವಿಶೇಷವಾಗಿತ್ತು. ಹಸುಗಳನ್ನು ಈ ಚಿಹ್ನೆಗಳು ಪ್ರಾಣಾಪಾಯ ದಿಂದ ಪಾರು ಮಾಡಿದ್ದವು.