Padubidri: ಪಿಕ್‌ ಅಪ್‌ ವಾಹನ ಡಿಕ್ಕಿ; ವ್ಯಕ್ತಿ ಮೃತ್ಯು

ಪಡುಬಿದ್ರಿ: ರಾಷ್ಟ್ರೀಯ ಹೆದ್ದಾರಿ 66ರ ಕಾಪು ಕೊಪ್ಪಲಂಗಡಿ ಬಳಿ ಅ. 12ರಂದು ಮಲ್ಲಾರು ಕೋಟೆಗೆ ಹೋಗಲು ಏಕಮುಖ ರಸ್ತೆಯ ಪಶ್ಚಿಮ ಅಂಚಿನಲ್ಲಿ ನಿಂತಿದ್ದಾಗ ಪಿಕ್‌ ಅಪ್‌ ವಾಹನ ಡಿಕ್ಕಿಯಾಗಿ ಶಂಶುದ್ದೀನ್‌ ಮಹಮ್ಮದ್‌ ಆಲಿ ಸಾಹೇಬ್‌ ಎಂಬವರ ತಲೆಗೆ ಗಂಭೀರ ಗಾಯಗಳಾಗಿತ್ತು.

ಆ ಕೂಡಲೇ ಅವರನ್ನು ಉಡುಪಿ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಚಿಕಿತ್ಸೆ ಫಲಕಾರಿಯಾಗದೇ ಅವರು ಶನಿವಾರದಂದೇ ಮೃತಪಟ್ಟಿರುವುದಾಗಿ ಪ್ರಕರಣ ದಾಖಲಿಸಿರುವ ಕಾಪು ಠಾಣಾ ಪೊಲೀಸ್‌ ವರದಿಯು ತಿಳಿಸಿದೆ.